CLOSE-UP

孝敬阿爸

母親節過咗冇耐，好快就輪到父親節。送禮物俾阿媽大把嘢揀，好似化妝品燕窩首飾，相對上容易。其實揀禮物俾阿爸，一樣簡單，事關唔理老嫩，男人十個有九個鍾意玩電子產品，今次就住人物性格幫你揀出最佳禮物，包你冧到阿爸笑騎騎。

送前準備

買電子產品送俾阿爸之前，一定要做好心理準備，事關就算部機幾易用都好，阿爸都未必識用，日後部機有乜大小問題，都一定會搵你解決。唔想成日俾老豆「低調通緝」，最好 set好晒部機先送俾佢，儘量減少麻煩出現。

手機/ tablet

裝定 BIG Launcher呢個 app（$80啫，唔好慳啦），所有 icons同埋 menu字會變得大隻易睇，啱晒有老花嘅父親大人。
將阿爸成日睇嘅網站，全部做好 shortcuts放喺主畫面，方便佢一㩒就去到心水網站。
下載定幾首阿爸最鍾意聽嘅歌， cut好晒俾佢揀做鈴聲。
安裝《老黃曆通勝》免費 app，方便查通勝。
裝好防毒同保安 app，就算唔小心 click錯咗釣魚網站，都唔驚中招。

相機

大部分 DC掣得個 icon指示，驚佢唔記得花花代表微距，不妨印定中文 label黐喺相應位置，最好用佢最熟嘅術語，一睇就知點用。
肯定阿爸用唔到嘅掣，索性用膠紙封實，唔俾佢掂，減少㩒錯 settings機會。
預先開定防手震功能，最好開埋人面對焦，影孫仔孫女先唔會咁易 out focus。

初哥型

人物素描：平時好少用電子產品，可能手機都仲用緊古董鍵盤機，不過，間唔中都會八吓新機、 Facebook有乜咁好玩。揀禮物準則係功能唔好太複雜，最緊要易用同埋字體夠大。

父親節點嚟？

美國人 Anna Jarvis喺 1907年發起母親節，紀念佢過咗身嘅媽媽，結果一呼百應，得到好多美國人支持。兩年之後，同樣係美國人嘅 Sonora Smart Dodd唔抵得社會重母輕父，於是寫信俾州政府，建議將佢阿爸生日（六月五日）定為父親節，但係因為申請太倉卒，結果趕唔切正日通過，最後改為每年六月嘅第三個星期日。不過，父親節的確冇咁受重視，事關母親節喺 1914年已被國會通過為法定節日，但父親節就要去到 1972年，先獲時任總統尼克遜簽署決議通過。

睇股睇報

Samsung GALAXY Note 8.0 LTE
點解要買：阿爸初玩 tablet最用得着嘅功能，離不開睇報紙同 check股價，所以揀機首選大芒，而解像度低啲 icons就大粒啲，所以 8吋芒加上 1280× 800解像度嘅 Note 8.0就最適合。送機前記得裝定免費報紙 apps同股票 apps，仲要放埋喺首頁，一開機就望到，包保識用。
售價：$4,098
網址： http://www.samsung.com 

天涯細機

Sony Cyber-shot HX50V
點解要買：要鼓勵冇乜玩過相機嘅阿爸影相，莫過於送部焦距範圍夠大兼輕身機款，一機就夠影人同影景。至於部機有幾多特效、有冇 Wi-Fi同幾高像素，根本唔重要，最重要係對焦快、防手震夠強。 HX50V唔單只對焦快，仲有光學防震同 30倍變焦，拎出街唔會太重。
售價：$3,490
網址： http://www.sony.com.hk 

大圖大字

Sharp SH930W
點解要買：如果只係用嚟睇報紙同股價，買智能手機其實唔使買到 S4咁勁，好似 Sharp嘅 SH930W，雖然只得雙核心處理器同只用到 3G網絡，但有 5吋全高清芒，而且自家 Android介面提供 3× 3特大 icon顯示，唔怕縮埋細細粒咁難睇。另外，就連設定版面字體都可以揀放大顯示，搵 setting易睇好多。
售價：$3,898
網址： http://www.brightstarcorp.com.hk 

講出來電

Plantronics Voyager Legend
點解要買：買藍牙送禮，唔係愈細愈輕就愈好？因為太細隻老人家好易唔見，反而 Voyager Legend大隻少少仲適合。備有來電語音提示功能，邊個打嚟會出聲話你知。不過，送之前記得 set好晒屋企人啲電話號碼入阿爸手機。
售價：$798
網址： http://www.plantronics.com 

雲記數據

PCCW e體健
點解要買：高血壓、心臟病係十大常見老人病，買血壓機俾阿爸檢查身體？要用紙寫低記錄好易唔見，用 e體健就方便好多，可以直接將數據上傳雲端儲存裝置，得閒可以睇吓阿爸有冇準時檢查同有冇超標，安心好多。
售價：$1,650（包括 A&D上臂式血壓計、 Oregon Scientific USB接收器、 e體健 12個月月費）
網址： http://www.esmarthealth.com 

記得轉台

雖然中國移動香港嘅 3G Lite月費都係$68，但係加埋$12行政附加費，都要$80啦。 

智能手機同部分 tablet都會用到流動數據，老人家最驚亂用會超晒標。其實可以幫阿爸轉去中國移動香港或新世界傳動網（電訊數碼）嘅限速 3G任上 plan，前者計埋隧道費大約$80，後者更只需$68，咁就可以叫佢哋安心上網，唔怕收多錢。

專業型

人物素描：唔使你送已經周身 gadgets，基本上手機、相機、 tablet樣樣識玩，數碼知識隨時豐富過你。揀禮物俾專業爸，一定要有話題性兼夠新，以免俾佢彈你冇眼光。

機迷至愛

Leica M
點解要買：係男人嘅話，收到 Leica點會有投訴？ Leica M外形殺食，操作、相片質素又接近菲林機效果，影像利到𠝹手，影得又睇得。
售價：$65,100（淨機身）、$14,200（ 50mm、 F2.5鏡頭）
網址： http://www.schmidtmarketing.com 

兩用 notebook

HP EliteBook Revolve
點解要買：如果阿爸係 hardcore Facebook用家，又鍾意寫 blog，冇鍵盤嘅 tablet始終唔方便打字。送部頂級 notebook俾佢最實際，平時可以當 tablet用，要用鍵盤一扭一反屏幕就得，而且效能強勁，執相剪片都應付自如，甚至打埋立體 game都冇窒機。
售價：$15,800
網址： http://www.hp.com/hk 

加大靚聲

Sony PHA-1
點解要買：用手機聽歌，就算有靚耳筒都未必有靚聲，試吓送呢個隨身耳抗，可以放大音樂信號輸出功率，大大提升分析力，更加接近原音，俾阿爸體驗新嘅靚聲領域。
售價：$3,980
網址： http://www.sony.com.hk 

轉會好時機

Samsung GALAXY S4+Slip Cover
點解要買：若果阿爸係標準果粉，有齊所有蘋果產品，最啱送部 Android手機俾佢，事關嚟緊部 iPhone 5後繼機預咗冇驚喜，所以不如送部 S4，等佢感受吓高清手機威力，而且阿爸咁熟電子嘢，轉會實難佢唔到。
記得，跟手送埋有 Slip Cover功能嘅皮套，有型有款兼有實際功效，更加貼心。

Samsung GALAXY S4
售價：$5,898（ 4G LTE/ 3G）
網址： http://www.samsung.com 

Uniq Slip Cover
售價：$368
網址： http://www.hptech.com.hk 

靚聲免提

Sennheiser HD 429s
點解要買：如果要揀附有免提功能嘅靚聲耳機，選擇唔係太多，其中德國品牌 Sennheiser就係穩陣之選， HD 429s配備動圈單元，反應快兼低音強勁，支援降噪功能，聽歌通話皆清。
售價：$889
網址： http://www.sennheiser.com.hk 

低調計時

Tissot T-Touch Classic
點解要買：買錶送禮唔一定係金勞，論好玩程度，可以觸屏操控嘅 Tissot T-Touch系列一定贏晒，事關輕按錶面就可以控制手錶內置嘅 11款功能，例如將時針分針變成指南針。仲有埋計時碼錶同 100米防水功能，實用又好玩。
售價：$4,800
網址： http://www.tissot.ch 

運動型

人物素描：周身郁冇時停，玩齊行山跑步游水潛水，經過運動鋪行山店，會雙腳失控衝入鋪頭，揀 gadgets自然要可以上天下海。

踩勻全球

PRO-FORM 2012 Le Tour de France
點解要買：喺屋企操車，揀呢部可以模擬真實路線嘅單車機，內置 Google Maps，係屏幕輸入路線，就會根據衞星定位資料重現實際路面情況，配合頭尾可以升或降 20度，連上落斜都踩埋。而且一路踩街景一路轉，呢架環法版本仲內置環法賽 24條賽道，點會踩得悶。
售價：$19,888
網址： http://www.fitboxx.com 

高度保護

Panasonic Toughbook FZ-A1
點解要買： Tablet如果太「單薄」，未必適合帶埋去做運動。 Panasonic三防 tablet可以防水、防塵兼抗撞，機身用軟膠包到實， 13.3吋仲比一般平板大，而且通過 1.2米下墜測試，拎埋去露營都唔使擔心撞爆芒，行 Android 4.0系統兼插 3G上網，重量亦只有 993g，算係幾易拎。
售價：$15,800
網址： http://www.panasonic.oa.hk 

時刻定位

Polar RC3 GPS
點解要買：無論跑步行山定踩單車，都會用 GPS記低路線，順便記錄埋速度同距離。不妨考慮買隻內置 GPS嘅手錶送俾阿爸， Polar最新嘅 RC3 GPS，定位準過用 smartphone，外形醒目，仲可以睇埋海拔高度，甚至有埋表現評分，阿爸就可以日日都咁 fit。
售價：$2,880（連心跳帶）、$2,380（淨錶）
網址： http://www.polar.com/hk-zh 

輕鬆聽歌

Jaybird BlueBuds X
點解要買：可以話係最輕巧嘅藍牙耳機，成個耳筒僅重 13.8g，加上有托架支撐，可以穩穩陣陣戴住做運動。電池夠連續用八個鐘，跑兩轉馬拉松都綽綽有餘。
售價：$1,298
網址： http://www.jaybirdgear.com 

無間檢查

Jawbone UP
點解要買：雖然 GPS手錶都識記低運動距離同卡路里，不過操作步驟多，未必個個阿爸都識搞。用 Jawbone UP就簡單好多，平時可以當手鈪戴，識自動記低每日行咗幾多步，仲有記錄睡眠質素及漸進式震動醒眠功能添。
售價：$1,099
網址： http://www.jawbone.com 

夏日良伴

Sony Xperia Z
點解要買：機身只有 7.9mm薄，放落褲袋夠輕巧，支援 4G兼用 5吋 1920× 1080解像度靚芒，加上機身有生活防水，就算夏天大汗疊細汗，甚至好似上星期黑雨咁誇張，都唔怕淋壞部機。
售價：$5,680
網址： http://www.sonymobile.com 

全面設防

Pentax WG-3 GPS
點解要買：嫌三防都未夠，大可揀五防相機，包括防水、防塵、抗撞、耐寒及耐壓，最多可落到 14米水深影相，配合 F2大光圈，水底靚景好易影到，而且鏡頭旁裝有六盞 LED燈，影微距都夠光猛。
售價：$3,390
網址： http://www.pentaxfansclub.com.hk 

搵借口

男士想買潮玩物，首先要過咗老婆嗰關，父親節就係一個最好機會，借阿仔阿女過橋，氹老婆或搵借口自送禮物。

合金身軀

new HTC One
理據：機能夠勁，全高清屏幕同影相都靚，換完呢部可以兩年唔再換新機。不過，最怕老婆睇完心思思換埋一份，買一部變兩部。
售價：$5,698
網址： http://www.htc.com 

同歎咖啡

Nespresso PIXIE Stainless Steel
理據：湊仔湊女咁辛苦，梗係要歎杯靚咖啡提神，用 capsule就可以沖出唔同味道，沖泡過程又簡單，唔使煩到老婆大人。
售價：$2,088
網址： http://www.nespresso.com 

各有各睇

Sony HMZ-T2
理據：唔想同老婆爭電視睇韓劇，所以要買個 Sony HMZ-T2 3D頭戴式屏幕俾自己打機睇戲，各有各娛樂。
售價：$6,980
網址： http://www.sony.com.hk 

借阿仔過橋

Canon EOS 5D Mark III
理據：阿仔阿女好活潑，為咗影低佢哋得意成長過程，一定要買部影像質素高、對焦夠快、每秒可連拍 6張相嘅專業全片幅單反 Canon EOS 5D Mark III，放上 Facebook都靚過其他家長啦。
售價：$27,480（淨機身）/$33,080（機身連 EF 24-105mm f/4L IS USM鏡頭）
網址： http://www.canon.com.hk 

隔音靚聲

Bose AE2w
理據：貪呢個藍牙耳機好聲，可以用接收力強做賣點，力 sell換機後同老婆講電話會清晰好多同埋唔窒，唔使嗌到氣咳。
售價：$2,100
網址： http://www.bose.com 

執相剪片

iMac
理據：拍埋拍埋啲高清片同相，舊電腦已經應付唔到， iMac效能強勁易用靚仔又慳位，唔通仲揀 PC，兼夾重新適應 Windows 8咩。
售價：$13,888起
網址： http://www.apple.com/hk 

家居擺設

SPIN-R the LOFT
理據：買落幾隻靚機械錶，擺低兩三日就停晒，買呢個自動上鍊錶盒唔單只可以慳人力，白色鋼琴面又有 style，放喺客廳，下次有朋友上嚟可以順便 show off埋，老婆都有面子。
售價：$5,388（三個上鍊器）/$12,880（八個上鍊器）
網址： http://www.spin-r.com 

facebook

只要在 Facebook以「 NEXT 3.0」為關鍵詞搜尋，或以手機的「 QR code」 app掃描，就可以睇到更多新聞同產品情報。

窩心好禮

冇時間慢慢揀禮物，又唔想求其買咁冇心思，網上好多服務幫到手，當中有唔少係自定服務，可以因應阿爸喜好嚟揀，簡單得嚟依然窩心。

活動禮包

星期一至五下晝 3點前網上落 order，一至兩日就免費送到指定地址，連落街攞貨嘅時間都慳番。（陳健邦攝） 

買 Red Packet最夠心思，阿爸收到禮物後，可以喺十幾種活動入面揀一樣最鍾意嘅嘢玩，簡單如食餐飯或做次 spa，到騎馬、小型賽車、劍擊、笨豬跳同埋室內滑雪，無論 daddy好動定文靜，總有一種活動啱心水。
售價：$988起
網址： http://www.redpacket.hk 

懷舊朱古力

大量懷舊乾果做配料，買滿$500免費送貨。 

唔係聖誕節同埋情人節先可以送朱古力嘅， Chocoyou網站有近 300款材料同埋口味選擇，最正係有山楂餅、陳皮、話梅呢啲懷舊配料揀，仲可以喺盒面印段字冧阿爸，不過記得揀低糖款式，年紀大都係唔好食太甜。
售價：$60起
網址： http://www.chocoyou.com 

潮鞋

揀顏色記得諗一諗老豆嘅接受能力，唔好淨係掛住型。 

鍾意行山跑步打波，又鍾意襯衫嘅活力潮爸，買對波鞋俾佢包冇撞板，索性去 NIKE iD網站整對獨一無二波鞋，自選鞋身、鞋底材料同配色，仲可以加埋老豆個 initial落去，大約兩星期起貨……順便做多對俾自己，父子裝落街打波。
售價：$950起
網址： http://nikeid.nike.com 

個人酒標

揀好配方，有專人幫你釀好再放入桶，而家訂都仲趕得切。 

如果父親大人鍾意飲酒，幫襯 MY Wine就冇走雞，提供 100款葡萄酒配方，駐場釀酒師會跟足你嘅要求釀酒，等兩個禮拜就有得拎走。仲可以將阿爸張相印落酒標，幾溫馨。
售價：$2,080起（ 30支）
網址： http://www.bellavitahk.com.hk 

最懶禮物卡

自定金額嘅 gift card有三款，如果阿爸唔聽歌，買 App Store卡俾佢買 apps都得。 

好喇好喇，前面啲禮物或者真係冇樣啱阿爸玩，最簡單就係落 7仔，買張 iTunes gift card，送俾阿爸上網買歌買 app。如果行多兩步落 Apple Store買，更可以自定 gift card入面嘅金額， set做阿爸生日又得，係佢嘅 lucky number或者車牌亦得，叫做有意頭嘛。
售價：$200起

text：科技組
photo：許朝暉