同你吟一吟
先知城城 拉頭馬
錢銀女人，十個男人只要唔係基民，十個都愛不釋手。有錢有女跟住輪到玩具，私人飛機遊艇跑車海陸空任擇，再唔係，養馬亦得。
養完「熊」準備改養「苟」嘅郭富城，除咗歡喜四個轆，亦愛四條長腿，新寵「愛將」星期日（五月二十六日）出戰沙田日馬賽事， Aaron執到正同老死兼馬主之一嘅張智霖、蔡一智入場。
等𨋢上會員區，城城忽然問阿智：「阿智，你拉過頭馬未？未呀！咁一陣等拉啦！」未跑先知，城城仲要開口中。
是日係「愛將」第二次出賽，對上一次係五月十一日，四班千二米，跑第二，同第一名只差短馬頭位；當日同樣跑千二米，結果「愛將」第一，同第二名過終點嘅馬相差四分三馬位。兩次出賽累積獎金已經超過五十五萬。
城城擺明入場拉頭馬，獨贏賠率 2.5倍，雖然熱，但買得多，
（《忽然 1周》圖片） 
見等極部𨋢都未落嚟，城城開始唔耐煩，之後仲主動同蔡一智講，等陣有頭馬拉。 
開跑前，馬主城城要落沙圈同練馬師吹番陣，沿途馬迷主動要握手，熱情度同喺紅館嘅 fans冇分別。
三歲「愛將」兩賽一冠一亞，城城爹哋開心到摸住乖仔，又同騎師潘頓打個招呼， say thank you！ 
身為馬主之一嘅張智霖，亦開心到豎起一指公讚「愛將」好嘢。 
撰文：八珍
全站熱搜
留言列表
