王菲兩公婆同嘉玲影完三人合照,李亞鵬主動推老婆埋去同好姊妹再影,點知王菲點都唔肯,係要跟埋老公一齊走。
同你吟一吟
王菲撇嘉玲跟佬走
王菲吹雞,好姊妹劉嘉玲長期以來都最落力,由 call善長到搞手,乜都幫。當晚除咗鐵膽嘉玲, Eason兩公婆、丁生丁太、關之琳、那英、趙薇等好友紛紛蒲頭撐場。
雖然香港算係王菲主場,但返北京生活多年嘅李太,對住鏡頭始終有啲唔自然,同老公老友嘉玲合照完,李亞鵬主動行開等兩姊妹再影,點知阿菲雞咁腳要跟老公返入場,就算嘉玲郁手,都拉唔住。
怕咩呢?吓!李亞鵬唔會走咗去喎,真係黐少陣都唔得!
趙薇、那英係王菲手帕交,呢啲場合,一定撐!
當晚要上台做表演嘉賓嘅 Eason,同老婆徐濠縈襯到絕。
楊千嬅拖老公現身,關之琳就單拖到。
撰文:八珍
全站熱搜
留言列表