翠如bb 格價專家 $2都慳
黃翠如 (翠如bb)自有線轉投無後，得到高層關照而受力捧。近排佢雖然多人認識，但做乜節目、講乜都俾人話，好陰公。先有傳陳豪同黎耀祥不滿余詠珊入主TVB後，重用有線愛將。之後田蕊妮因新劇《舌尖上的公堂》翠如bb不斷被加戲份，令自己淪為第二女主角而不滿，搞到大家面左左冇偈傾。到最近網上流傳17歲時翠如bb講六四片段，之後佢回應話覺得當時自己好誠實，「人長大了，有些看法不同了，若是現在就不會再講。」又被網民抨擊。
雖然心情麻麻，但翠如bb仍然要應付排山倒海工作。不過，翠如bb冇因為賺多錢而揮霍，反而慳得就慳。上週六（25日）中午，翠如bb旺角做完活動之後，同經理人、助手去金鐘運輸處。以為係佢要搞車牌，點知原來佢只係陪經理人。翠如bb運輸處坐半個鐘，見經理人重未搞店，搵助手陪佢落去買飲。以為超市一定會平翠如bb，行去飲品部買飲品解渴，點知佢睇到價錢之後放番低。
好姨以為佢改變主意想飲第二樣，點知呢個識途老馬轉身走去附近便利店，買番之前超市想買飲品，埋單時見買兩支重可以平，即刻諗都唔諗就買多支。一支即刻開飲，另一支收埋袋入面。雖然只係慳兩、三元，但翠如bb都唔放過。最好笑係做藝人為慳幾元，唔怕麻煩去格價；相反佢經理人就買杯3、40元咖啡歎，如果咁樣唔係叫做慳，就只可以話翠如bb唔鍾意飲咖啡囉！
放大圖片
全站熱搜
留言列表
