「旅遊狂人」洪永城拍攝旅遊節目七年多，已遊遍大半個地球，去年他以身犯險跟攝製隊走過烽火大地，如黎巴嫩、伊拉克、伊朗等戰亂國家，深入戰區體驗戰地生活。四十天行程，每天過着槍林彈雨的生活，更試過被坦克大炮對準身體，每一秒片段，每一張照片都是「搵命博」。今年他又再向世界出發，拍住黃翠如和湯洛雯暢遊英、法兩國浮華大地。

「戰亂的地方，正常不會去旅行，但一班人陪你一齊去喎，那次機會好難得。平時做旅遊節目，或者自己去旅行，多數去偏遠、落後的地方體驗，今次去倫敦和巴黎，全程仲要豪玩豪食，物質旅程，又是另一番體驗。」

這天拍攝在有線電視大樓附近的荃灣碼頭取景，洪永城說：「初入行，我常常在這裏背稿，每次回到這裏都會想起當年的我。」

少年胡混

去年無綫旅遊節目《走過烽火大地》播出後，洪永城開始為人熟識：「走過烽火大地之後，生活完全不同了，身邊的人對我的態度也一百八十度改變，特別是我爸爸，我做旅遊節目都有一段時間，但唯獨是《走過烽火大地》，我才見到他第一次捧場。」

出生於富裕家庭的洪永城（Tony），父親從事保險業，母親做棉花貿易生意，家住羅便臣道，自小有傭人照顧，出入坐Benz，他卻謙稱：「有錢嗰個係阿媽啫！」

首次與湯洛雯合作的洪永城，首度踏足巴黎，他認為巴黎夜景特別靚，「以前睇電視就睇得多凱旋門，估唔到真係喺眼前係咁靚，特別係夜景，真係靚到好似畫咁。」

洪永城十歲跟哥哥一起到新西蘭讀書，媽媽在奧克蘭買樓讓兩兄弟自住，輾轉在當地過了八年，直到二○○二年高中畢業，他發現屋企經濟出現問題，於是提出返港讀書：「雖然媽媽承諾供我繼續讀書，但我知道屋企經濟開始唔好，同埋覺得在新西蘭八年我好胡混，只懂打波，網球、籃球、壁球、羽毛球，見波就追，生活無憂無慮，從來冇定下過目標，冇認真做過一件事，身邊啲朋友都叫癲過玩過，但我腦海裏那八年卻是一片空白，時間像枉過了，人生再咁落去唔係辦法，我想人生多啲挑戰、多啲冒險，於是決定返香港。」

與老拍檔黃翠如再度合作，到英國拍攝《走過浮華大地》時，坦言很少買古着的他，這次都忍唔住出手，「佢哋啲衫保存得好新淨，啲款仲唔out ，好多係名牌嚟。」