社交圈

母女檔

社交圈鐵腳唔一定係老公或男友，有時孖住囡囡甚至未來奶奶出嚟仲溫馨。

甘比女玩琴

林建岳前女友陳浥萍的茶館 Tea Saloon本週日開幕，她的好友甘比帶住女兒劉秀樺和姨甥 Hill來捧場。已修身的甘比叫女兒做代表在名冊上簽名，得意到爆的秀樺好認真寫上自己名字 Josephine，但有點眼瞓的她見到現場的糖果餅乾都冇心機，唯獨見到豎琴時，她就好奇地走埋去摸吓。





大劉因糖尿病缺席聆訊，澳門政府將派醫生來港替他檢查，本週日他卻龍精虎猛地與呂麗君去飲茶。 

林玉茵馬場開胸

前保良局主席梁寶珠亦拖住女兒林玉茵現身愛彼錶活動，只見阿媽悉心打扮，反而女兒林玉茵無厘神氣又無化妝，幸好她無喇喇去馬場都著條開胸裙，「同媽咪出嚟，都可以健康性感。」

梁婉靜好避忌

婚後息影多年的前無綫藝員梁婉靜與老公、盈大地產行政總裁李智康，帶埋女兒一家三口來賀陳浥萍茶館開幕，初時她同女兒都大方讓記者影相，並說：「個女今年十三歲啦。」當叫埋老公一齊合照，她卻唔多願話：「我都無喺呢行好耐啦。」

汪圓圓做個好新抱

即將嫁入豪門的汪圓圓，週日陪住未來奶奶、玩具大王蔡志明太太蔡李惠莉出席愛彼錶賽馬，蔡太表示因為兒子蔡加讚不在港，叫未來新抱來陪她，汪圓圓亦好乖巧站在旁邊，問蔡太會否催他們生仔？「我唔會俾壓力佢哋，順其自然，當然愈多愈好，因為我開幼稚園。」


撰文、攝影：名人組


索呢！（設計對白） 

社交圈

 

V煞胸

 

藝人何止 V煞面，甚至將 V煞向下移，將衣領變 V露出又長又深的乳溝，比 V煞面更引人入性。

 

鍾楚紅深溝誘人

 

上週五鍾楚紅以一襲性感 deep V晚裝出席愛彼女皇盃派對，紅姑助手仲不停喺佢耳邊叫佢企直防走光，而紅姑的波光及笑容確實幾吸引人，如果佢肯復出拍戲一定有收視，但紅姑話要劇本啱先拍，「最好係正能量劇本，講環保就最好。」提到余文樂建議紅姑在《春嬌與志明一家》做情侶，紅姑說：「唔敢當。」

 

李嘉欣多塊紗

鍾楚紅大方晒心口，李嘉欣本週日以愛彼女皇盃大使出席沙田馬場活動時，佢件 deep V裙就多塊紗，但仍隱約見到波罅，是不是老公介意著得性感？「我著衫從來無特別同佢商量，但佢今日有問我著乜衫。」難道許晉亨想著情侶裝？「我同佢講千祈唔好襯我，千祈唔好情侶裝，家庭裝也 no、 no、 no！」

 

周秀娜重口味

 

周秀娜上週四出席英國品牌 Hunter活動時，露出因拍戲搞到冇笪好肉的背脊及兩腿，好彩心口兩球白滑無損。有龍友喺商場高炒娜姐（右圖），佢大方話：「唔緊要，都控制唔到，有 fans仲話想要我包紮過嘅紗布，紗布醃住十幾個鐘，係好重口味嘅事。」




趙哲妤硬膠波


前中國小姐趙哲妤上週四單拖出席 Brunello Cucinelli開幕酒會，佢專登揀件粉紅 V煞 cocktail dress嚟著，谷到行出嚟風騷拍照，「有身材可以 show吓。」

 

楷女郎贏自信


女人有身材當然自豪，但無又唔使刻意僭建，事關男士唔係次次要食大餐，最緊要一齊時感覺良好就得。同李澤楷在白沙灣撐枱腳，葉梁美蘭廿九歲大律師姪女梁芳，一臉清秀依然獲小小超垂青，上週四就見她一人在中環，仲有司機載佢走，做咗超女郎，即刻升呢！


撰文、攝影：名人組

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄