黑芝麻卷蛋$12/件獨創款式，找老字號人手炒香黑芝麻製餡，甜香細膩。

庶民飯堂 Kraftpaper

卷蛋重生

創業，資金重要，還是技術重要？對八十後的 Nick來說，創意才是關鍵。他自小夢想開甜品店，畢業後在 IT公司工作，夜晚兼職糖水鋪，放假學整甜品，結果失敗收場。「無天分，人哋學整果批，半個月學識，我整極唔似樣。」改變策略，轉做甜品代理。「我的正職是代理電子零件，心想不如將相似模式套用在甜品行業上。」

Nick負責門市營運和銷售，生產商供應甜品，正巧給 Nick遇上準備結業的卷蛋名店 Roll。老闆 Ada和 Amy兩姊妹，後者曾在加拿大學廚，任職中環西餐廳餅師， 2010年創業，在尖沙咀開全港首間卷蛋專門店，上年更在中環開分店，可惜今年初全線結業。「她們指租金太貴，開店又要兼顧太多，寧願只做批發。」 Roll現時有兩個銷售點，一是位於機場快線的三文治店 Frey& Ford，但只有小量款式，不及 Nick的店子 Kraftpaper有近廿款卷蛋和 Macaron。 Roll的 fans多， Kraftpaper在四月初開張，不到一個月已接下過百件訂單，招牌卷蛋日日未到七點幾乎賣清。「 Amy用靚料製作卷蛋，日本麵粉、法國淡忌廉、 Valrhona朱古力等，絕不落乳化劑或魚膠粉。」 Nick還加設貼心服務，包括替顧客留貨，又可將食品先放在店內雪櫃，客人臨走時才拿。概念簡單，但要化為一盤實際生意，有幾多人做到？

士多啤梨卷蛋$12/件清甜果肉，分量足，鬆軟綿密富蛋香，忌廉奶味濃滑。

（由前至後）朱古力脆脆卷蛋$12、栗子卷蛋$12、抹茶卷蛋$28（大）朱古力濃郁、口感香脆，栗子帶甘香，抹茶用日本進口宇治綠茶粉，甜而不膩。

Macaron$15/件自家烘焗，表層輕脆，內裡煙韌。共九款，其中玫瑰味有乾花鋪面，帶天然甜香。