同你吟一吟
賀杜琪峯生日 張兆輝搵發哥發嫂陪食
上星期六（四月二十七日），張兆輝做東，補請廿二號生日嘅杜琪峯食生日飯，座上客包括同杜導由七三年無綫訓練班同學開始，一直老友至今嘅發哥同發嫂。
大導演大明星開飯，唔一定揀五星級明星食府，是夜獲點燈嘅係喺筲箕灣東大街嘅平民食店「金東大」。
未夠七點，杜琪峯同杜太打頭陣到，朋友出錢請食飯，杜導出酒，威士忌紅酒香檳帶齊。廿分鐘後，發哥發嫂到，由於司機唔熟路，老細張兆輝一早出定門口候駕。
一餐飯，食咗近四個鐘，發哥仲話自己連番薯糖水都「隊」咗兩碗，破晒戒，搞到第日要行山三粒鐘，幫輕吓咁話。
發哥發嫂車到，一見到企喺街候駕嘅張兆輝，發嫂第一時間打招呼。 
五十八歲杜琪峯戒煙多年，改食雪茄。
杜琪峯同太太都係識飲識食之人，同朋友飯局，兩袋酒，唔算多。 
是夜由張兆輝埋單做老細，張太亦係座上客。 
撰文︰八珍
全站熱搜
留言列表
