同你吟一吟
徐淑敏做美容老公教路
已經生咗兩個女嘅徐淑敏，有少奶奶唔願做，學人搞網上美容生意，加上早排老公黃浩因為「藝人開飯」事件搞到大把是非手尾，令原本有啲肉嘅 Suki，瘦到得番棚骨，自毀咪神寶號。
還好美容生意已經上軌道， Suki更擴展到推出自家護膚品牌，星期一（二十九日）美容店舉行開幕禮，請嚟無綫班好姊妹沈卓盈、馬賽、葉翠翠做嘉賓。生意做得頭頭是道，不過 Suki話老公黃浩先係幕後大老闆，就算唔識扮靚，都不斷俾意見，開支票使錢用人，樣樣都係老公話事。
要幫手睇住老婆盤生意，信咗主嘅黃浩，就算幾唔得閒，都會抽時間返教會，上個禮拜五（二十六日），《壹》仔就撞見佢同林以諾牧師一齊，聽講黃生黃太已經決志信耶穌，仲同陳振聰返埋同一個教會添！
新店開幕酒會，嘉賓當然唔少得 Suki好姊妹沈卓盈。 
响 ifc撳完成疊錢，黃浩就同林以諾牧師去停車場攞車。 
撰文︰八珍
全站熱搜
留言列表
