tvbfun娛樂八掛大放送★

張國榮逝世十年 唐唐：約定他生再擁抱

為紀念張國榮(哥哥)逝世十年，生前經理人陳淑芬早一年前開始，已經開始安排兩個紀念活動。

上週六(30日)下午三點，為哥哥揭開紀念活動序幕《繼續寵愛‧十年‧紀念展》，銅鑼灣時代廣場揭幕。向來怕羞唐唐當日早上，先答應出席。相信唔少寵愛哥哥歌迷，對於佢突然離去，仍感到難過。但要講最痛莫過於哥哥好友唐鶴德(唐唐)，每年四月一日唐唐都要重複面對同樣痛。

唐唐為答謝歌迷對歌歌厚愛，儘管平日面容仍然憔悴，鬱鬱寡歡。當面對住廣大fans，也擠出笑容。講起唐唐，好姨知道佢近年仍然深居簡出，哥哥留筆可觀遺產俾佢，唐唐將佢好好運用同投資，其他時間就打羽毛球，又或者同朋友聚。

唐唐每日過淡如水生活，感情仍然「傷痕纍纍」，空白一片。佢早前表達過自己現在心情，佢話：「隨時光的流逝，傷口總算黏合起來，但仍是傷痕纍纍！」之後唐唐又借用哥哥歌曲《今生今世》入面一句歌詞「願意今生約定他生再擁抱」，含蓄咁同哥哥約定下世再繼未了緣。佢對哥哥一往情深，真係令人感動。

除唐唐對哥哥未忘懷之外，其實香港歌星、藝人都同一樣。本週日(31日)，紅館舉行《繼續寵愛．十年．音樂會》，張學友、梁朝偉、陳慧琳、周慧敏、商天娥同容祖兒等廿幾個藝人歌星演出，大家都趁呢一晚，懷念哥哥昨日種種。

放大圖片