老婆隻手咁滑,梗要拖實啲!(設計對白)羅敏莊雖然未算小鳥依人,但陳國邦呢個好好先生絕對抵讚,遲吓老婆仔約滿咗無綫,就真係「一家大細靠晒你」! 

媽咪姐

陳國邦拖滑手老婆羅敏莊

近排努力還騷嘅羅敏莊,仲有幾個月先約滿無綫,無劇喺手嘅佢,只係上吓綜藝節目攝吓位。照咁睇,到咗 8月可能都還唔得晒嗰百幾個騷喎。喺無工作安排下,羅敏莊趁唔使湊阿 B陳禛,即同晚晚喺《仁心解碼 II》做醫生嘅老公仔陳國邦行吓街街!

 

呢 pair出名恩愛嘅夫妻喺公開場合,一向糖黐豆,估唔到佢哋平日出街一樣行孖咇,仲要係無時無刻都拖住隻手仔㗎。陳生陳太行街拖手、睇衫拖手、揀咖啡都仲係拖住隻手,只係除咗俾錢嗰刻先略略放開過一陣咋!仲未踏出舖頭就再十指緊扣,連媽咪姐睇見都想知羅敏莊用開邊隻 hand cream,滑到老公仔唔願放手。


難得無拖手,見到羅敏莊產後修身極快,隻腳瘦到呢! 

媽咪姐見佢哋拖少一陣都唔得,認真寃氣。

arrow
arrow
    全站熱搜

    tvb4life 發表在 痞客邦 留言(0) 人氣()