佢係時候讓位。19歲 Rainky寸 31歲 JJ年紀大, JJ估唔到師妹咁大膽,惟有一味死撐。
娛聞樂
阿叻新寵 蔚雨芯 Rainky魔鬼巨胸上位
「叻女郎」一向肯搏肯露,不過,曾被阿叻力捧的宅男女神賈曉晨( JJ),自搭上樊少皇後,戀愛大過天,掛住瘟仔兼推 Job,激嬲阿叻,被飛出《叻哥遊世界》,近日 JJ更約滿離巢。
阿叻新晉愛將「浸大 E神」 Carol(楊焉),本來大有機會接棒,可惜 Carol近日自覺升格,扭計拒性感,於是益咗師妹 Rainky乘機上位,歌、影、寫真三面發展,在《靚妹仔 2013之微交少女》仲有牀戲。阿叻亦向 Rainky講到明:「肯搏又上到位嗰個,咪係一姐囉!」而得寵的 Rainky更暗寸 JJ︰「佢都係時候讓位!」
Rainky在《叻哥遊世界》晒巨胸,網友笑言連魔鬼魚都俾佢嚇親,所以封佢做「魔鬼胸」!
阿叻新女蔚雨芯( Rainky)今年 19歲,早前陪阿叻出埠拍《叻哥遊世界》,由於她在墨西哥之旅勁晒 32D身材,因而被封為「魔鬼巨胸」。至於一直得寵的 JJ,近年有感戮力幫公司搵銀,但公司反而將資源投放落新人 Rainky身上,加上與樊少皇愛得癡纏,把心一橫推 job解約。志不在此的 JJ,經常擺出一副唔憂做的阿姐格,對工作人員呼呼喝喝,態度惡劣。
JJ推 job辣㷫叻哥
「上年喺 TVB廣告節目巡禮上,見到 JJ喺後台好大聲咁呼喝宣傳同事:『有咩理由要我拎住件衫,你好快啲行番過嚟,幫我拎!』大家聽到都 O晒嘴。以前佢一直都係自己攞衫㗎! JJ扮大牌,係唔抵得公司捧新女,所以佢見親 Rainky都黑晒面。」知情人士說。
JJ唔續約, Rainky同 Carol爭上位。 Rainky去年出道已經出碟出寫真,阿叻還出橋着她翻唱譚詠麟金曲〈愛在深秋〉。
至於 Carol雖然是阿叻老死夏永康(著名攝影師)女友,不過,她近日玩封胸,連唯一的賣點都冇埋, Rainky自然睇高一線。
首拍電影有牀戲
溫碧霞在《𡃁妹仔》續集飾演尋女母親, Rainky就飾演其女密友,兩人有不少對手戲。
Rainky做得叻女郎,深明嫩口是她致勝之道。談到 JJ,她暗寸對方年紀大,叫她收山:「 JJ係我師姐,我同佢好似,身材差唔多,大家仲同埋一個生肖(暗寸 JJ大佢 12年)㖭。佢搵到個合適對象,我都戥佢開心。佢收山享受吓拍拖仲好啦,都係時候讓位俾我哋呢啲後生女!」
最近 Rainky首次由歌手踩界拍電影,在《靚妹仔》續集中有牀戲,她回應時乘機踩 JJ冇演技:「有機會都會向 JJ請教吓點拍牀戲,但我冇佢嗰對『高潮眼』,惟有靠演技!」
對於被 Rainky暗寸, JJ表示無奈:「我唔信佢會咁講!(佢寸你大過佢 12年喎!)吓……我年紀唔係好大啫!」 JJ今年 31歲,唔算大,不過 Rainky得 19歲,嫩口!
嫌 Cheap拒賣肉
叻女郎 cup數高
98年鍾麗緹 34C簽約 Star East的鍾麗緹, 98年傳獲阿叻贈送八百萬愉景灣豪宅,兩人傳出緋聞。
99年張慧儀 34D張慧儀在陳百祥穿針引線之下簽 Star East,一度被捧為性感女神。在 99年她被指介入阿叻與黃杏秀的感情。
05年李蘢怡 35D曾經是 Star East旗下歌手的李蘢怡,在 05年哭訴被男人欺騙。她表示想返娛樂圈發展,最終都係阿叻幫手。
06年賈曉晨 33C賈曉晨初出道時走清純性感路線,樣靚身材好,贏得宅男歡心。但自她與樊少皇撻着,在網民心目中形象由天堂跌落地獄。
12年 Carol 34E現年 24歲的「浸大 E神」 Carol(楊焉)憑 E cup身材在《美女廚房》上位,最近被叻哥招攬。 Carol在《叻哥遊世界》中亦大解放穿泳裝。
12年蔚雨芯 34D蔚雨芯被封為「魔鬼巨胸」。 13歲已經跟叻哥搵食,出道一年被公司力捧出碟。蔚雨芯 Rainky Wai, 13歲參加唱歌比賽被經理人發掘,曾參加 2011年香港小姐競選,被譽為翻版周秀娜。去年推出個人專輯《 Raining》和寫真集《 Rainky Cosplay Artbook》。
撰文:娛樂組
攝影:攝影組
makeup: Kerry@Zing makeup
髮型: Risky@Lee@hairc ulture
形象: Bryan@the Flaming
服裝: Vivian Chanelle Fashion
留言列表