亞熱帶
陳喬恩 集郵樂
台劇女王陳喬恩，出道以來緋聞多多，近日有傳她與古天樂秘戀兩年，同時舊男友霍建華又翻兜狂追。陳喬恩受靚仔小生歡迎唔在講，難得連金庸見到她都冧爆，可見佢對男人認真有辦法！
陳喬恩一對水汪汪的大眼固然煞食，其 32D的逼爆身材更令男士窒息，就算冇睇台劇，相信對其內衣廣告的性感照一定過目不忘。睇番她的「集郵簿」，各位盛女真是要向女神偷師嘞！
去年陳喬恩得金庸推薦，在電視劇《笑傲江湖》中演出東方不敗，之後金庸同倪匡飯局，陳喬恩亦被邀出席。連查大俠都冧到，認真犀利。事實上，陳喬恩的緋聞男友包括阮經天、明道、霍建華，個個紅遍大中華，古天樂更是出名筍盤。能夠箍住古仔，陳喬恩自然有計。
陳喬恩拍過《王子變青蛙》、《命中注定我愛你》、《 S.O.P女王》，部部大熱，外貌早被台劇 fans肯定。她 32-23-33的身材，配合埋 D cup上圍，即時升呢做小腰精。其噴血內衣照更被宅男在網上瘋傳。
正呀！（設計對白） 
金庸老婆係陳喬恩 fans，令陳喬恩同金庸都 friend咗。陳喬恩一副冧樣，搞到相中的查大俠既尷尬又開心，十分搞笑。
冧咀明道
陳喬恩和明道在 05年拍《王子變青蛙》傳戲假情真。明道在演唱會上，忽然嘴對嘴錫陳喬恩，冇嘢就有鬼。
牀戰小天
和阮經天在《命中注定我愛你》第一集已經有激烈牀戲。兩人 08年來香港到山頂宣傳時，更旁若無人打情罵俏。
夜會邱澤
09年陳喬恩在《福氣又安康》同邱澤發生姊弟戀。陳喬恩更被拍到半夜在男方屋企過夜。
靠紅酒抗衰老
女追男隔重紗，尤其對住 Mr.Cool，「主動」兩個字最重要。傳她拍《 S.O.P女王》時，在片場被人發覺不時向拍檔高以翔發電。陳喬恩仲大條道理：「我嘅性格比較搞笑，一直易識男仔。演感情戲我會特別投入，因為咁至感動到觀眾，令佢哋覺得呢對男女真係擦出火花！」
換個角度睇，你可以話陳喬恩率直唔扮嘢。當年她主持飲食節目《中國那麼大》，高呼羊睾丸好食，仲話自己有「戀睾丸情意結」，令人側目。其實早在陳古戀爆出前，陳喬恩在去年受訪時都表示過：「我係一個重視愛情嘅人，拍拖時我唔會接咁多嘢做。」比起以往一年兩、三套劇，陳喬恩去年淨係拍得一套《笑傲江湖》，對戀情其實早有暗示。
除了樣靚身材正，陳喬恩出名皮膚白滑， 34歲完全冇魚尾紋，妙就妙在她飲得劈得，不過就唔會亂劈，主打飲紅酒。其實紅酒有抗氧化功用，所含的多酚，抗衰老能力更是維他命 E的 50倍，護膚絕對有根據，女士不妨偷師。
03年《千金百分百》霍建華翻撻 
12年《笑傲江湖》陳喬恩同霍建華 03年拍《千金百分百》時撻着，兩人去年喺《笑傲江湖》一個演東方不敗一個演令狐沖，最近霍建華被傳心郁郁翻撻女方。 
撰文：娛樂組
圖片提供：《台灣壹週刊》
留言列表
