So Comment

出血爆谷　 Garrett Popcorn Shops

近日潮食!　乙－
2012年，在朋友家食過由台灣帶返來一筒筒的 popcorn，有很多味道的，普通的芝士、焦糖、 with nuts…… wasabi……乜都有，最特別係泡菜、椰味，仲有香葱雞汁味！後來在香港亦見有得賣，但係最好都係食我朋友在台灣買回來那個「星球工坊」（ planet popcorn），我試嘅係 wasabi味，少少攻鼻但又不太強， popcorn又夠鬆。而 IFC呢間就鬼佬好多，但冇咁有趣囉！

只不過係好奇啫……

去 IFC city'super多數都叫司機在後面接上車，每次經過就見啲年輕人在排隊，排乜鬼呢？原來係買爆穀，但因為每次都匆匆忙忙，兩手又拎滿嘢所以冇機會去研究。一晚飯前懶得閒，呀！就去八吓啦！好奇啫，點知大出血！

學食咸 popcorn……

香港戲院吸引嘅地方就係老遠就聞到啲 popcorn味，響加拿大，去睇戲想買 popcorn，吓，點解全部都係鹹嘅?!冇甜 popcorn的，非常之失望，仲有另外一個怪現象係，我哋睇戲就鍾意坐後面，啲鬼佬爭住坐第一行，係咪神經?!記得第一次食鹹 popcorn一啲都唔鍾意，後來冇得選擇，食吓食吓又幾好食，最重要係 double牛油！不過就食到一手油！
而家返香港去睇戲，哈哈！香港又有鹹爆穀，我覺得淨甜就太膩，淨鹹又太寡了，最好食係兩溝，溝得嚟鹹要比較多一點於是去到 Garrett又買了焦糖、芝士，呀！未試過果仁，又買咗兩款，腰果同夏威夷果仁，本來好哋哋$96走人，後來又諗吓，咁咪自己返去撈餐死，因為我鍾意鹹甜一齊食吖嘛，於是咁就衰嘞，開口問佢哋一筒筒點賣，佢哋話一筒可以放晒四包仲要加一啲才滿，我又諗，喺屋企揸住個筒先至似食爆穀，結果攞咗三百幾蚊出嚟，想死！結論，爆穀係要熱熱哋先至好食，一個人幾耐先至可以食晒成筒？食食吓又腍。不過新鮮食時都唔夠鬆，千祈唔好買果仁，食食吓果仁會甩出嚟，最好食係芝士！今次真係一條大水魚！！！ 3/5： 2/5（咸：甜）超正！