劉智仁在帝京酒店包廳搞棟篤笑，論盡婚禮新奇事，又玩傳西瓜，講笑話。「新郎求婚唔係雙腳跪，雙腳跪嗰啲叫抄家。」
People
論盡你婚禮 劉智仁
他的執生能力，不下於《玩嘢王》的阿 Bob。
新娘跟老父開席前爆粗炒大鑊，他播 disco音樂幫粗口做掩護；肥奶奶上台致詞 PK，他演繹為「瞓身支持」，替主人家解圍。
他今年 33歲，是近年冒起得最快的婚禮司儀，主持過過千婚禮，做司儀做到去城大、嶺南任婚禮統籌訓練課程顧問及講師，周日（ 6月 2日）還搞了一場棟篤笑，論盡婚禮蝦碌。
他是劉智仁（ Tim Lau），外號婚禮達人。
他的新書《完美婚禮》由求婚講到結婚。他做司儀收費$3,000-$6,600，婚禮統籌則$8,000-$30,000不等。
劉智仁是婚禮司儀兼統籌，入行十年，見盡千奇百怪婚禮：
佛家弟子在佛堂舉行婚禮，十多個師傅在場敲經唸佛，像葬禮多過婚禮。唸聖經有章節可依，唸佛經卻來回地獄又折返人間。「唔知唸到幾時， repeat又 repeat，我連廁所都唔敢去。」投影機不是播放一對璧人的微電影，「而是般若波羅（指釋迦牟尼）的大頭像。我擔心唔知咀唔咀得，好彩法師話咀係無問題。」
印巴籍人娶港女，酒樓門口寫着「穆罕默德陳聯婚」，婚宴第一道菜是印度薄餅加咖喱醬。「酒樓無師傅識整，主人家自己帶去食，食到成手咖喱。」
論排場，非強國人莫屬。「村長嫁女擺 250圍唔使劃位， 1至 50圍是隔籬西關村。香港得幾架花車，但大陸人要面，三十架花車在村內繞場一周，仲放炮仗。我在大陸只能做統籌，當地司儀上台會唸唐詩三百首『在天願作比翼鳥……』，我邊有得鬥？」
我唔夠出色
劉智仁曾做公關，識市場策略，不放過任何宣傳機會，第一集《玩嘢王》，他負責度橋玩阿 Bob。節目出街翌日，他將節目的花絮照片，拼湊成宣傳單張，印了一千張在 wedding expo派；又找澳門旅遊局贊助，自己做星級領隊，帶十對準新人到澳門拍照。「橫掂做司儀都要見樣，不如拋個身見埋報。」
入行 8年，去年做了 138場婚禮，他成了這行的 Icon， CNN、 NHK都找他做專訪，又到城大、嶺南開班授徒。
劉智仁自言不是精英，他能突圍，全靠找到小圈子。
平民出身，大埔廣福邨長大，爸爸是食品公司員工，媽媽是家庭主婦。會考成績一般，考入嶺南大學中文系。「當年我可以拿 full grant讀書。」
最令他自豪，是那張嘴，由小學已開始做 MC，轉數自小養成。「好彩我讀嶺南，學校細人較少，我才有機會做 MC，如果入港大，咁多勁人邊有得爭？」
大學畢業後，他在上市公司 Pico做公關，朋友結婚，他工餘做婚宴司儀，副業收入過二萬，人工比當公關還要高， 08年決定創業，搞婚禮生意。「在大公司我做不到精英，反而在小社群，我可以找到一個角色。」
他說伴娘裝束隨時爆過新娘，試過有部長以為對方才是新娘。 
他結婚也不欺場，送假銀紙當開門利是，左是他太太。身家不願透露，只說有層紅磡都會軒 600呎物業，市價 6百多萬。
好在唔靚仔
游走這行，要捱得住所有假期都要工作，但最重要還是要夠圓滑，他最叻打圓場。「最經典一次，是奶奶仆街。」話說肥奶奶死都要上台致詞，條裙又窄，行了幾級樓梯，突然大字形仆在台上，全場人掩住半邊嘴笑。「我即刻幫佢兜：『奶奶瞓身支持婚禮！』」
有奶奶要新娘晚上再着裙褂斟茶，新娘唔想着，他又要出招：「我教佢同奶奶講『裙褂再着即翻頭嫁咁解！』即刻搞掂。」
他還有個賣點，是唔靚仔。「我們做配角，太出色會喧賓奪主。試過有新郎哥矮我成個頭，成晚我都唔敢企埋佢側邊。」
閒時當配角，他也渴望當主角，每年定一個目標：前年結婚，去年出書，今年搞棟篤笑，講婚禮奇趣錄。「婚禮和人生，也沒有 take two。我只想讓人知道我存在過，死咗圖書館都有本書記名。」
留言列表
