揞名爆
「型佬」襟撈兩邊𠱁
媽咪姐成日都話，呢個世界無話死錯人嘅。好似「型佬」咁，雖然年紀唔細，近年喺大陸發展多，但不時有機會返香港拍吓劇，仲至少做男二㖭！咁得天獨厚，咪因為兩個字，襟撈囉。
有工作人員同媽咪姐講，話「型佬」拍完《石草再生》後，大監製「森林」已經叫佢幫手拍多套劇，但「型佬」一向係「真心派」嘅人，所以唔敢應承屬於「數字堆」嘅「森林」。不過，佢就好客氣咁同呢位大監製講，話自己遲啲可能會放假，怕就唔到時間。跟住佢仲即刻打俾「真心派」阿姐，講番晒個情況，咁阿姐梗係大讚佢乖，做得好！仲叫「型佬」不如真係放吓假，放完假再開劇俾佢拍。
嗱，呢啲咪叫說話的藝術，面面俱圓囉。當然都要「型佬」 keep得 fit先得嘅，想當年佢拍《警察新仔》時高大有型，依家一樣零肚腩，勁呀！
全站熱搜
留言列表
