句句金
句句金
近日有指陳茵媺喺加拿大安胎，男友陳豪對此不置可否，日前出席活動仲滿面春風，
你哋興奮令我開心，你哋對我祝福全部都收到，你哋嘅心意我亦 feel到。
你知就好啦！你嘅模稜兩可令媽咪姐好焦急，等茵媺穩定落嚟就好快啲公布喜訊啦，知冇？
陳豪人逢喜事精神爽，相反舊愛廖碧兒感情生活仍一片空白，佢解釋：
工作行先，太鍾意做嘢。
係真唔係呀？不過呢個 moment，唔搵工作做藉口，又點落台喎。
曾志偉新抱喺 facebook插老公鬧奶奶，令家醜外揚。早前志偉解畫：
我哋一家都有 facebook，成件事係有人 hack咗入去。
嘩，咁個黑客都好犀利啫！ Hack你全家，自編自導自演整咁大齣大龍鳳，同時出咁多 post你哋都唔知，好牽強囉！
彭浩翔有意搵鍾楚紅喺《春嬌與志明》做余文樂阿媽，遭到紅姑拒演，日前周潤發亦幫口咁話：
佢點做余文樂阿媽呀？余文樂做佢老竇就差唔多。
又有冇咁誇呀發哥？紅姑對鞋肯定被你擦到立立令。
黃宗澤日前許下承諾，若新作《好心作怪》有 32點收視，就會跟拍檔周麗淇以泳衣示人。不過周麗淇當面拒絕：
我怕趕客呀！
咁市場好大嘅，有人鍾意大，都總有人鍾意平嘅，周麗淇唔使咁自卑喎！
全站熱搜
留言列表
