媽咪姐
阿 Sa玩得起
近年香港電影圈青黃不接，阿 Sa（蔡卓妍）就講到明，好想做金像獎影后！笑住話即使 60歲先攞都願。嗱，後生女俾啲信心自己！媽咪姐睇咗你喺活動上唔知有意定無心扮經理人 Mani嘅玩嘢相。喂， OK似喎，衰鬼！嗰啲戚眉反眼，仲有個似笑非笑嘅嘴，直情係 Mani惡搞版啦。唔係得媽咪姐一個咁講㗎！古巨基都咁話，仲有大班網友支持。睇嚟阿 Sa就算唔做明星，都可以試吓做經理人噃。
Mani為咗宣傳阿 Sa主演嘅新片《超級經紀人》，不惜擺埋自己上枱， post阿 Sa嘅玩嘢相上微博，古巨基即刻回應，醒呀！
阿 Sa同杜汶澤馬不停蹄北上宣傳新片，老闆楊受成同經理人 Mani都嚟支持，落重注喎！
全站熱搜
留言列表
