揞名爆
「唔生性」扮乖溝「面尖尖」
「唔生性」初出道嗰時，個勢真實唔錯，佢唱歌幾 OK，公司又肯捧，但就衰在有不良嗜好，而且話極唔聽，搞到愈嚟愈沉，連拍咗拖多年嘅富貴女友都放棄咗佢！
吖，最近有幕後同媽咪姐講，「唔生性」有新搞作喎！登登登凳，就係開行 turbo，溝師妹「面尖尖」嘞。話說發咗福好耐嘅「唔生性」，呢排忽然同熱愛跑步嘅「面尖尖」講，話自己好需要運動喎！猛約人哋去跑步，例牌話兩個人跑無咁悶咁啦。
然後呢，呢位無乜 job嘅哥仔，又同信咗教好耐嘅「面尖尖」講，話自己好有興趣認識主耶穌喎，借啲意不斷 WhatsApp人，噓寒問暖唔在講啦！又話要約出嚟傾下信仰嘅問題。
Well，媽咪姐相信呢個世界有浪子回頭嘅。之但係，「面尖尖」同一事無成嘅「半唐番」都可以糾纏咁多年，媽咪姐真係有啲怕佢又中伏囉。阿女，帶眼識人呀，阿們。
全站熱搜
留言列表
