室內裝修簡潔得來又不失個性。「由於我姐夫係捷克人，所以我家姐成日都唔喺香港，呢度就會成為我嘅小天地，所以我都花咗唔少心機喺裝修度。」
星悅居
四海一家 羅鈞滿
羅鈞滿的七百呎家居，大廳與房間是以日式牆身和日式趟門相隔，飯廳、大櫃、地板都是木製，配上紅色皮沙發和不同國家風味的吊燈，營造出中西合璧的家居風格。
全家由「聯合國傢俬」組成，源於羅鈞滿有個長居捷克的姐夫。羅鈞滿說：「我姐夫係捷克人，佢同家姐都鍾意品酒，所以每次家姐去完捷克探姐夫，都會買好多水晶杯同器皿返嚟。我後來親身去捷克，都覺得啲水晶杯手工好靚、好精緻，有啲仲係即場拉花㖭。」
從此，羅鈞滿便展開了「各地尋寶」行動，每次去不同國家，都會為家居添置家具。飯廳旁的大櫃放滿了各式各樣的酒杯及茶杯，當中以水晶紅酒杯數目最多。「飲紅酒我冇乜心得，不過就鍾意用捷克酒杯飲，因為捷克酒杯以傳統嘅吹玻璃方法製成，杯身無駁口，耐用好多，用來裝酒，入口更順喉。至於飲茶，我就最喜愛飲雨前龍井。」
澳洲扇燈大廳家具以木製品為主，並以日式趟門分開客廳及睡房。客廳的扇燈購自澳洲，價值五千蚊。 
泰國佛像大廳櫃上擺放了一個泰國佛像，他自言冇宗教信仰，佛像只是裝飾。 
英國飯廳燈飯廳燈購自英國，不銹鋼燈罩反射全屋角落，非常特別。
捷克水晶器皿羅鈞滿收藏逾三十隻水晶器皿，平均每件二千蚊。他說：「捷克有好多民間手工藝嘅小店，價錢比遊客區平七成！」 
韓國茶杯羅鈞滿的茶杯多數購自日本、南韓、法國及意大利，圖中茶杯購自南韓。他表示茶杯保溫能力強，是他常用的。 
波斯地氈紅色沙發前放了一張波斯地氈，羅鈞滿指地氈是人手織造，令到間屋更加 warm。
越南吊燈睡房內的吊燈是姐姐購自越南。「鍾意吊燈嘅設計簡約，而且帶日式風情！」 
意大利壁畫「呢幅畫係喺意大利買嘅，每次望住幅畫都令我諗番意大利嘅風景。」 
布拉格時鐘浴室小櫃放了一個具布拉格特色的木刻時鐘，手工非常精緻。
贏比賽留遺憾
充滿個性的家居，自然有一位個性十足的主人。羅鈞滿表演慾強，曾得過大專歌唱比賽冠軍，家中大廳亦放滿他多年來的獎牌及獎杯，總數逾五十個。比賽亦令他明白凡事要盡力，不要留下遺憾。
羅鈞滿說：「中五畢業前參加接力賽，我負責最後一棒，我見已經拋離其他對手，所以得意忘形，收慢腳步向觀眾席揮手致謝。雖然贏咗比賽，但我後來至知，原來因為我『收油』而破唔到大會紀錄！嗰一刻心情真係由最高點跌到落谷底，但呢件事亦令我明白做人唔可以自大。」
Profile
羅鈞滿在《天與地》中飾演「鼓佬」林保怡年輕版，才開始為視迷認識。 
羅鈞滿現時女友是無綫新聞女主播張文采，早前兩人被發現拖實行街。 
撰文：娛樂組
攝影：攝影組
留言列表
