媽咪姐
錶你心
錶除咗用嚟睇時間，仲可以當飾物襯衫。 Ball場名人對錶特別講究，戴得出嚟見人嘅來頭點會小，除咗有限量版潮款，又有閃到眼花嘅鑽錶，真係靚到犯規！搞到人心郁郁。
鄺美雲寶石鑽錶
鄺美人鄺美雲自經營珠寶生意之後，每次出動身上總有一件半件自家珠寶。近年設計埋手錶嘅佢，早前去活動就戴住心形鑽石錶，隻錶睇時間嘅位細細，而旁邊嘅寶石就夠晒搶，好火到不得了。
邱李茂琪閃到眼花
溥儀眼鏡老闆娘邱李茂琪一身新裝示人，出動 7萬蚊 chanel塑膠透明袋嘅佢，仲以一千蚊襯托，襯出東華籌款 feel！不過都唔及佢嘅 Franck Muller鑽石手錶搶眼，閃到你眼都花。
黃伊汶人肉招牌
黃伊汶退出娛圈後，全力搞鐘錶生意，作為品牌亞太區發展總監嘅佢，當然做埋生招牌，戴住代理嘅巴黎水晶錶周圍去。不過講搶鏡，梗係佢中指上嘅大大粒鑽石訂婚戒啦！
王賢誌隱形錶肉
戴錶唔一定用嚟睇時間，好似王賢誌咁，用條錶帶襯衫。「試過有朋友見到，好緊張咁話個錶肉跌咗，我講笑話聰明人先睇到。」雖然話隻 MMM× H&M錶係幾百蚊貨仔，但限量出品，真係有錢都買唔到。
今周爆脂樂基兒
依家長住峇里嘅樂基兒，致力吃喝玩樂。上周四（ 5月 30日），佢出席化妝品活動，明顯大隻咗唔少，腰間肥肉仲喺條裙個窿窿漏出嚟。 Well，唔係想挑戰肥苟吓嘛？
全站熱搜
留言列表
