2/6一家嘆茶本周日，古明華同妻女晨早出街嘆茶，之後三人一同步行回家，沿途一家人有講有笑。
娛聞樂
腎病女反叛難教 古明華：我嬲到衝落街！
去年憑《巴不得媽媽》勇奪「最佳男配角」的古佬(古明華)，工作愈來愈忙碌，走紅的代價便是犧牲陪伴家人的時間。現忙於拍攝新劇《貓屎媽媽》的他，就連下周日(16日)的父親節也未知有否時間跟女兒慶祝。
雖然為口奔馳，但僅得一粒女的古佬，對女兒 Tammi照顧周到。十五歲的 Tammi，三年前患腎病，至今仍要定時覆診及食藥。見女兒長期受病魔煎熬，古佬一直心痛女兒。
多年來，古佬只打過女兒一次：「 Tammi小二時發脾氣唔做功課，我忍唔住用間尺，好大力打咗佢手仔一下。」而正值反叛期的 Tammi，早前貪玩打機夜瞓，話極唔聽，甚少發火的慈父古佬，由於憂心愛女病況惡化，最後嬲到衝落街，女兒才識驚改過。
3/6 派對接送本周一是 Tammi學校假期，古明華夫婦早上十時多送女兒到長沙灣參加同學的生日派對，古太 Terri更親自為女兒開車門，照顧周到。
月花萬元醫病
令 Tammi突然「長大」，源於兩父女一個月前的冷戰。 Tammi三年前開始患上「腎小球炎症」，病發時需要在家休養，試過嚴重到全身水腫，每月單是醫藥費曾經花近萬元。最近一年 Tammi身體轉好，惟每月仍需定時覆診食藥，但醫藥費已減少至 3千蚊，上學率亦由 7成上升至 8成。
康復在望，但 Tammi見身體稍為好轉，加上正值青少年反叛期，近日沉迷打機，屢勸不聽。愛之深，責之切！眼見女兒捱眼瞓打機，憂心女兒健康的古佬，佛都有火。
古佬說：「我之前已叫老婆同個女講，要佢學習分配時間。佢有病喺身，仲成日掛住上網打機，玩電腦，唔肯早啲瞓，咁對身體好壞。嗰日得我同 Tammi喺屋企，我特登唔出聲，望住佢足足一小時。點知佢完全冇反應，仲照玩，我真係好嬲嘭埋度門，衝落街冷靜咗兩、三個鐘。我走咗 Tammi至知大鑊。第二日起身，個女喺 WhatsApp度知衰認錯。之後我再同佢傾咗兩個鐘，解釋我嬲都係為佢好。」
古佬指 Tammi的病有望在十八歲左右斷尾，屆時會考慮是否送她往美國讀大學，所以要賺多啲錢。
《蘋果日報》圖片
古佬人紅工作多，除了年初有份拍賀歲片《 2013我愛 HK》，在《 On Call 36小時 II》飾演一名力追蘇玉華的二世祖，又在《貓屎媽媽》飾胡定欣阿哥。
古太管接送
事實上，古佬與太太 Terri一直對女兒呵護備至。「佢每個朋友我哋都識，而且每日都係由老婆送佢返學放學，出街時都要報告行蹤。」雖然 Tammi現時就讀於觀塘區的福建中學，不過自女兒發病後，古佬對愛女管教已經放鬆很多。
古佬說：「佢係獨女，我點會唔錫。其實每次教仔女都係一次學習，我仲係學緊點做人老竇。佢成日話自己得十歲，向我詐嬌，成日俾藉口放縱自己，我覺得小朋友唔可以咁。不過，自從個女發病後，我明白最緊要佢健康，讀書只要盡力就得！」
扮色魔阿女投訴
出道初期，古佬飾演過色魔、變態佬，女兒向他投訴過被同學取笑。不過他轉做配音，女兒又反對說:「你喜歡演戲，為甚麼要揀配音?」果然是知父莫若女！
星爸唔易做
父親一向唔易做，如果仔女被病魔折騰，更是痛在父母心。做星級爸爸更難，好似周啟生咁，就因為獨留患有學習障礙的兒子在家，而被檢控。
李亞鵬李亞鵬及王菲的女兒李嫣天生兔唇，兩夫婦頻頻撲撲，帶李嫣去美國進行多次手術，更成立「嫣然基金」籌款，幫助內地兔唇的小朋友，用心良苦。
陳錦鴻五歲兒子陳駕樺，患上自閉症及語言障礙。陳錦鴻夫妻除了搬往郊區居住，又聘請 shadow teacher陪囝囝上學，陳錦鴻更曾停工一年，廿四小時貼身照顧兒子。近日一家三口為「協康會」宣傳，希望社會正視及幫助自閉症兒童。
撰文：娛樂組
攝影：攝影組
留言列表
