Gigi Leung黑色半透視通花連身裙$60,850 Loewe黑色綴金釦皮手鈪$4,695Delvaux from Maria Luisa
cover face
梁詠琪“ Do it for me”
已為人妻的梁詠琪，紙婚已過，仍一副熱戀少女的模樣兒。
老公來自西班牙，慢活態度，本來，跟香港的急速節奏不大搭調，偏偏他沒半點不適應，反過來影響老婆的人生觀 180度變。
現在， Gigi放棄掘金機會也不覺可惜，又自訂工時定要分身得暇家庭為重，以往，生命中最重要的東西，已變成 side dish，主次重新分配，多得對方循循善誘，講得再誇張一點，她就似一隻迷途小羊，終於找到歸宿了！
這一對中、西聯婚，化學作用一面倒正極。
有老公萬事足，開口埋口老公好，我倒覺得，一隻筷子沒有用，定要打孖上兼左右配合得宜，至能進一步享受美食，有個好老公， Gigi也有功勞。
Profile
Gigi Leung
出生日期： 1976年 3月 25日（白羊座）
出生地：香港
身高： 5呎 9吋
體重： 122磅
語言：普通話、英語及廣東話。
學歷：理工大學設計學院二年級
簡歷： 95年，與劉德華拍攝電影《烈火戰車》備受注目，之後，歌影雙棲發展。 96年，奪勁歌金曲「最受歡迎新人獎」。
主要作品：電影《流氓醫生》、《百變星君》、《烈火戰車》（ 95），《百份百感覺》（ 96），《初戀無限 Touch》（ 97），《心動》（ 99），《愛與誠》（ 00），《絕世好 Bra》（ 01），《嚦咕嚦咕新年財》（ 02），《向左走•向右走》（ 03），《女人本色》（ 07），《光輝歲月》（ 13）。唱片《愛自己》（ 96），《短髮》（ 97），《花火》、《好時辰》（ 00），《給自己的情歌》（ 06），《 Butterfly Kisses》（ 12）。
微博： http://weibo.com/gigileungwingkei 
94年那些年，個個女明星也清純，同一個甫士（見 32頁）， Gigi氣質依舊，更多一份幸福。《城市週刊》圖片 
13年婚姻生活美滿，隨時迎接小生命降臨，「有係恩賜，未有就開心期待，現階段，我已覺得好圓滿。」《蘋果日報》圖片 
13年Sergio：二人出雙入對，老婆出外公幹完，老公往接機，時刻黐到實。《蘋果日報》圖片
對方比自己重要
現代夫妻，很難沒隔夜仇！工作家庭兩頭忙，生活顛倒，壓力爆煲，自身難保，遑論體諒，得勢不饒人，也是發洩的表現。看在 Gigi眼中，這全因你們未夠智慧去跟另一半相處。
所以話，面對最親近的人，最不可鬆懈。
「夫妻磨擦源於大家將一粒沙睇成一個沙灘，爭拗又要贏，贏場交，卻輸感情。
「我哋未嗌過交，亦諗唔到大家之間有乜嚴重分歧……佢打爛過一隻我好鍾意嘅碟囉！一剎那，成個人呆咗！但回一回氣，爛咗咪爛咗！
「我哋就係咁，唔會有下文。
「大家懂得分清楚事情輕重，唔係話脾氣好與壞，而係你夠唔夠聰明去分辨，邊啲事、邊個人對自己最重要，若果大家睇對方比自己更重，唔想傷害對方，自然少磨擦。
「為小事去嘈，即係話，你仲未夠智慧。
「依家，我做任何事都 enjoy，以前，最怕去街市，又濕又污糟，自從結婚，佢鍾意入廚，愛買新鮮食材，變成個個星期去 wet market，原來，買餸平過超級市場咁多喎！佢成日同人講價，係人都傾一餐，好好玩；「屋企廚房本來只得一個蒸爐，為咗老公，添置好多廚具。平日，盡量配合對方返、放工時間，趕返屋企食飯，我係二廚咋！淨係整甜品，因為講究擺放，唔會俾佢掂，佢最叻整厚奄列，唔知點解可以打到啲蛋咁厚？
「從來唔認為女人煮餸叻至算好老婆，分工合作啫！我換燈膽都得，邊個識邊個做，夫妻相處唔可以太多計較，最緊要溝通，屋企客廳冇電視，食完飯，老公鍾意同我坐低傾偈，傾到深宵，日日傾仍然有好多話題；「現階段，任何事都唔重要，最重要係我跟老公嘅關係。」
學緊西班牙文
農曆年，兩口子返西班牙過節， 10天旅程， Gigi帶備糖蓮子、蓮藕、年糕、蘿蔔糕等中式糕點慰夫家，更大派利是，猶如中式聖誕老人。
這個甜蜜之女，為了老公，連中央電視台商演也放棄，因為她知道，愈放得開，未來回報將愈多。
「一早預咗去旅行，唔可以改，賺少咗一啲都唔肉痛，工作機會對我已經唔重要。自從遇上對方，工作、名譽、金錢已變次要，簡單生活已開心。
「喺對嘅時間遇到對嘅人，緣份之嘛！以前，我眼中只有事業，依家，唔想咁辛苦，好得意㗎！自己捱慣，唔太錫身，但當佢講『 Do it for me』即刻軟晒！我有樣學樣，朝早勸佢太攰唔好揸車返工，改搭的士，加一句『 Do it for me』佢就好認真聽入腦。
「我已 ready有 BB，我哋成日討論未來，更會做一啲事提點對方，譬如佢將跌落地下嘅麵包塞入口，我馬上喝止『第時有小朋友就唔得喇！咁污糟！』佢笑笑口點頭。
「西班牙人好熱情，佢屋企個個 30幾歲人，仍然好多 body touching，令人好有安全感，又會講好多鼓勵說話，而我父母都愛我，但集中照料仔女生活所需，未必有咁多愛嘅表達，日後，我一定會俾好多鼓勵小朋友，讓佢對人有信心。
「依家，學緊西班牙文，平時，我同老公講三句又講番英文，上次見到老爺奶奶，講得好論盡，但老爺好開心，猛話『唔緊要，慢慢學。』呢個年紀再學新語言真係好難！
「呢年幾，除咗語言，我真係學到好多。」
Gigi Leung白色綴網布背心$2,190 Alice McCall from Liger白色半截裙$5,430 Kenzo from Lane Crawford黑白色皮革扭花頸鏈$1,980 Oblivion from Heaven Please粉紫色綴咀唇高踭鞋$7,680 Rupert Sanderson 
Gigi Leung淺啡色 silk satin tube dress$16,500粉紅色 duchess satin短 cape$13,000both Burberry Prorsum
後記
我笑 Gigi，每次一講老公就眼濕濕，佢話老公好易喊，連帶自己也受影響！
「我真係好感動。」
感動例子之一，熱戀時， Sergio雖然知道女友是明星、歌星，卻沒瘋狂上網搜尋對方相關資料及所謂戀事前科，只靜靜地跟她相處，此舉令 Gigi覺得備受萬分尊重。
「佢嘅出現，令我及屋企人好有 energy。」
之所以，訪問時值新正頭，活力充沛的 Gigi大派百元利是，我哋都唔省油，落力預祝她早日夢熊有兆，快呀！
Shop List
Burberry中環歷山大廈 101A號鋪 2868 3511
Chloé金鐘太古廣場 366號鋪 2918 1686
Dior中環置地廣場 G14-16號鋪 2524 8277
Harvey Nichols中環置地廣場 3695 3388
Heaven Please銅鑼灣寶富大廈 2號 B鋪 2311 9533
Lane Crawford中環國際金融中心 3樓 2118 7683
Liger銅鑼灣百德新街 55號地下 A及 C號鋪 2503 5308
Loewe中環置地廣場 B29-30號鋪 2522 0996
Maria Luisa銅鑼灣利園 I期 211號鋪 2907 2028
Rupert Sanderson中環安蘭街 8號地下 2530 3391
撰文：伍淑嫻
形象： Karen Ling
攝影：郭賢興
化妝： Dephine Chan
髮型： Ziv.Yeung@Orient4.com.hk
留言列表
