媽咪姐
致青春的小燕子
趙薇十幾年前憑《還珠格格》嘅小燕子紅爆香港，今時今日佢除咗係資深演員、幸福少奶奶外，年半前仲多咗個趙導演嘅稱呼。
6月 13日喺香港上映嘅《致青春》，係趙薇喺北京大學導演研究課程嘅畢業習作，改編自內地 hit爆小說《致我們終將逝去的青春》，由關錦鵬做監製。再集齊國內新晉花旦小生包括趙又廷、楊子姍、韓庚同江疏影做男女主角，最後仲搵埋老友王菲唱電影主題曲《致青春》。
青春自拍趙薇、甘國亮同關錦鵬，三個人加埋都成百幾歲啦，仲學人頭貼頭玩自拍，有無咁青春呀！
《致青春》搵來當紅小生趙又廷、楊子姍、江疏影及韓庚主演，新鮮面孔演繹青澀嘅 80年代愛情片。趙薇身為導演，有嘅係經驗，當然會向新人傳授啦！
面紅紅嘅 B哥哥鍾鎮濤，同班朋友嘆完紅酒先趕嚟一齊緬懷青春。真係好浪漫！好青春！（真實對白） 
最近被緋聞纏身嘅苟芸慧，話今次嚟捧《致青春》場會好用心觀摩喎！我中文唔好未必睇得明，會買 DVD返屋企再睇。（真實對白） 
張堅庭對首次執導嘅趙薇讚不絕口，仲話好期待佢之後嘅作品。好好睇！係我今年睇過最好嘅愛情片。（真實對白） 
同趙薇合作過《情深深雨濛濛》嘅古巨基，一到場就嚟個 big hug，仲由開場睇到散場㖭！出年嘅電影頒獎禮，趙薇一定攞硬獎！（真實對白）
請你睇戲
《忽然 1周》讀者現只須登上《 Sudden Club》網址： http://www.suddenclub.com 
登記成為會員，便可參加網上有禮。答對問題，即有機會獲贈《致我們終將逝去的青春》換票證 2張，名額只得 25位，數量有限，快啲上網玩啦！
全站熱搜
留言列表
