U花 U草
港大食神 葉綺晴 美少女飯局
肥媽主持的飲食節目《食平 D》，晚晚以超抵價平煮正菜，個個都想食平啲又好味啲！
師奶廚神要識格價，但𡃁界食神靠一張相搞掂。現就讀港大專業進修學院市場學高級文憑 Yr.3的葉綺晴（ Kary），是校內的美少女食神，每當她嘗到美食，就立即放上 Instagram跟六千名同學朋友分享，是粉絲心目中的另一個美食指標，但凡她推介過的美食，定必有粉絲留言，「好正啊！邊度嚟㗎？快啲畀地址我啦！」
採訪當日， Kary電話響個不停，「哦，你想食越南嘢就梗係去山林道嗰間啦，一定要食佢個生牛肉河，河粉又夠滑，記得飲埋個勁鮮甜嘅湯底，你識唔識去啊？」女神體貼又識食，食神肥 Michael今鋪有勁敵！
葉綺晴（ Kary）港大專業進修學院市場學高級文憑 Yr.3
有 5呎 3吋高、只有 93磅的 Kary幾乎日日出外搵食，日日食味精照計應該好易肥，但她說：「我之前得 80幾磅，𠵱家已經重咗好多喇！我要控制吓自己唔好食咁多，唔可以再肥落去喇！」
推介糖醋排骨
雖然 Kary就讀市場學，不過她的夢想是成為空姐，周圍去旅行之餘，仲可以食盡各國美食！
要信自己口味
不少自認識飲識食一族，都會參考飲食雜誌偷師搵食，但有自己一套的 Kary就大唱反調。
「以前我都會跟雜誌介紹咩就去食，但試過幾次我都覺得食嘅嘢同文字所描述嘅有好大出入，我就索性自己搵自己發掘，即使食評寫到天花亂墜，口味呢啲嘢咁個人，我覺得味道啱啱好，你可能會覺得好鹹，所以影相就最實際，賣相吸引到你，你就自然會想去食，唔使我多講嘅！」
瑜伽減肥Keep fit係女人的終身事業， Kary也不例外，「我知道自己食咗咁多味精、又鍾意食甜品，所以一得閒我就做瑜伽減肥，出番身汗！」 
專拍美食
Kary推介
難得遇到美女食神 Kary，點可以唔叫佢推介幾間畀讀者呢！一於跟住佢捐窿捐罅搵食！
夏天必食
「𠵱家咁熱，一定要去食狂戀莓莓（即草莓雪糕）！我鍾意佢夠多生果，夠晒健康！食完心情都靚啲！」
Holly Brown
地址：中環士丹利街 22號地下
Hea友最啱
「呢間 high tea好好食，個碟架好靚，不過個老闆唔憂做，淨係星期六、日同公眾假期先開，去就一定要訂位先，如果唔係實冇位！」
Kindergarten
地址：大坑新村街 35號地下
留言列表
