Bro 5ive成員 La Ying（左）表示一看到惡搞的歌詞第一時間就想起阿 Ben，仲話錄嗰陣笑到收唔到聲，而 Ben（右）則說：「好彩未至於乞人憎。」
搜尋氣
惡搞〈如果這是情〉 A貨黎明：驚俾 fans鬧
最近網上大熱首〈如果李慧瓊〉你有冇聽過？搞鬼歌詞改篇自 90年黎明首金曲〈如果這是情〉，惡搞者唔係高登仔，事緣係填詞人梁栢堅將〈如〉歌詞改了幾句，放上微博求接龍，詞神 Wyman、小克等搶住填，迅即在網上瘋傳。
有名師出手惡搞，冇人唱邊夠過癮！組合 Bro 5ive成員阿 Ben（楊尚斌）同 La Ying更極速錄唱了有聲版，最搞鬼係 Ben把聲更似十足黎明，唔知以為黎明自己惡搞自己！
我之前喺舞台劇扮過黎明把聲，梁栢堅都知，佢話我唱啱晒啦！其實細個已經鍾意佢（黎明）嘅歌喇！有日 La Ying睇咗啲歌詞覺得好正，梁栢堅又話：『好喎，搞大佢啦！』，咁我咪唱囉！平時都有扮 Leon腔玩吓，但係細個冇咁似，只係識壓住把聲扮佢，人大咗似啲，開始發現佢點解會咁唱法，同埋用咩共鳴音去學佢發聲，好慶幸好多網民都支持呢件事。
講扮嘢李思捷梗係勁啦，上次佢喺《玩嘢王》扮周星馳好鬼勁呀！思捷係有跟黎明偷師，直情同 Leon傾偈研究點扮佢把聲㗎，我就自己學嘅，我仲識扮學友，但冇咁似囉！但係都唔想成日扮啦，好驚扮到乞人憎俾 Leon啲 fans鬧，所以今次唱呢隻歌都唔想咁高調，𠵱家都冇乜人知係我唱，我又唔覺自己紅咗喎！我更加唔想出自己碟都扮黎明，會用番自己把聲唱歌。
高登好多呢類二次創作，好鍾意聽佢哋啲巴打夾份改詞，有人去唱出嚟，我就覺得幾好，諷刺吓時弊。高登仔會比一般人更關心時事、民生，所以二次創作係好㗎，希望巴打繼續努力，再有機會又唔嫌棄嘅，我都會再唱㗎！
〈如果這是李慧瓊〉如果李慧瓊嫁比關菊英餓鬼張天愛暗嗒葉宇澄如果李慧玲殺死叉燒炳艾威斬張徹劈親趙燕萍任劍輝發夢扮錯張國榮馬德鐘飲醉攬錯李家鼎旺角張震嶽大戰金燕玲誰是馬賽側邊似陸永 
〈如果李慧瓊〉由填詞人梁栢堅帶頭改詞， Wyman接手延續，而完成版就由 Ben主唱， La Ying錄製同整埋字幕 MV放上網。
留言列表
