高 Ling喺《 My盛 Lady》飾演徐子珊細妹，佢除咗係成日遞起隻腳引男人注意嘅傻大姐、仲要扮黐脷筋。不過高 Ling咁索，即使真係黐脷筋都應該大把男人爭住要，唔使做盛女！ 

FBI

高海寧電暈上位監製

TVB久唔久就會有新咪精彈出，但講到電力最強一定係高海寧。事關佢雖然未有得做女一，但劇集一套接一套，曝光率超高。最近由黃子華、陳敏之同徐子珊孭飛嘅新劇《 My盛 Lady》開工， FBI聽聞監製文偉鴻就對高 Ling特別客氣，高 Ling有時會用嬌聲同文監製講：「哎吔，我呢度唔識做呀！」監製就會好溫柔咁答：「你咁咁咁做咪得囉。」

 

講開文監製， FBI索到佢結咗婚，最近仲成為 TVB戲劇製作總監梁家樹愛將，之前係《女警愛作戰》同《法網狙擊》嘅編導，𠵱家坐正做監製新貴！一向追尋真相嘅 FBI，當然唔會人咁講就咁寫啦！星期日，《 My盛 Lady》喺尖沙咀拍外景， FBI撲去𥄫𥄫，發現高 Ling的確同劇組上下都好好傾，而文監製除咗同高 Ling吹水，更孭住部單鏡反光相機同高 Ling影吓靚相。不過 FBI就唔覺佢哋有乜過火舉動，可能只係大家都上緊位，所以特別啱傾啫！


外景現場，文偉鴻監製的確成日同高 Ling企埋一齊教戲，而佢仲孭住部單鏡反光相機幫高 Ling影吓相。 

高 Ling嘅長腿，離奇有幾笪瘀痕，真係要好好保養吓！ 

呢日黃子華一見到高 Ling同徐子珊，即刻扮高 Ling遞腳。但由佢嚟示範，當然係搞笑多過誘惑啦！

喺尖沙咀連拍兩場戲，呢一場講宅男沈震軒被女飛搞到借酒消愁，老友黃子華見到佢咁頹，拎個狗兜裝飯畀佢食，鬧醒佢。 

「男一」子華除咗經常主動向監製編導提意見，仲有兩位化妝同髮型師跟身，認真巴閉。 

撰文、攝影： FBI

arrow
arrow
    全站熱搜
    創作者介紹
    創作者 tvbfun 的頭像
    tvbfun

    tvbfun娛樂八掛大放送★

    tvb4life 發表在 痞客邦 留言(0) 人氣()

    E-mail轉寄