（ Good）Vladimir Karaleev上衣Oh My God ruffle褲
驗衣官
徐濠縈自成一派
佢好識襯衫，有自己獨特嘅一套。好似今年夏季好興綠色，而嚟緊秋冬就好興藍色，佢將呢兩種元素着咗上身，感覺好型，好 trendy同好有 sense，而佢呢套藍衫亦突出到個手袋，恰到好處。
周汶錡長腿養眼（ Pass）
佢每次都好穩陣，性感長腿好搶眼，不過我覺得佢咁着唔算係最靚，如果着番條白色嘅裙，睇落會令個 clutch突出啲，𠵱家條裙個紅色好似太搶。
楊千嬅夾硬扮潮（ Bad）
好唔襯佢，佢每次都鍾意將最潮嘅嘢放上身，但佢呢啲 look根本同佢本身嘅風格好唔 match，完全係強裝潮味。如果換咗呢啲衫喺 Sammi身上就完全唔一樣。着喺佢身上就嘥晒！
連詩雅師奶上身（ Bad）
佢有高瘦嘅身形，可惜每次着衫都突出唔到。呢套衫其實可以好潮，但佢演繹得好師奶，兼且帶有蒲味同 wet妹味。最驚嚇係佢啲頭髮，成日遮住塊面唔知做乜。
王菀之全身怪雞（ Bad）
好肉酸！成身打扮完全將佢又肥又矮嘅缺點暴露晒出嚟。對襪同對 platform sneaker同埋條 metallic嘅裙完全唔襯，成身都好怪雞。
吳千語強裝少婦（ Bad）
有種好似東華總理太太嘅感覺。佢咁有本錢，其實着乜都靚，但佢好多時都着到少咗份少女味，好似呢對鞋咁複雜嘅設計，就更令佢似少婦多啲。化妝亦都太濃，其實佢愈簡單愈好。
Ricky Kwok（郭慶彬）
全站熱搜
留言列表
