已出道 15年嘅李孝利，唔只唱歌跳舞勁，而且肯行性感，一直被封為性感女神元祖。由於形象百變，經常換上新形象見人，成為唔少韓妹模仿對象，絕對係潮 icon。
韓面
索爆 comeback 李孝利神級壞女孩
K-pop界近年不斷湧現性感女神，少女時代 9個索女一齊晒長腿，徐仁英及孫丹菲更胸腳並露引死仔，但講到尾始終唔及韓國性感女神元祖李孝利咁經典。
34歲 K-pop歌姬李孝利， 10年曾捲入抄歌風波而封咪，經過 3年過冷河，今年終於重出江湖，回歸大碟《 Monochrome》上週正式登場。最新主打歌〈 Bad Girls〉擺明壞女孩格，一出即登上 9大流行榜 No.1，女神 comeback，神級示範。
MV夠破格
最新派台作〈 Bad Girls〉 MV中，李孝利一人分演兩角，先係扮大肚婆生女，然後個女長大後，孝利又扮埋壞女孩，仲做埋監躉伸脷影踎監照，超反叛。成個 MV利用美式漫畫風格製作，感覺破格。
回歸晒才華
已封咪 3年嘅李孝利，上週三（ 22日）終於推出復出新大碟《 Monochrome》，更親自為碟中 9首歌，如〈 Miss Korea〉等作詞，多才多藝。
回歸扮大肚
經過 3年過冷河，孝利女神今年終於強勢回歸，復出頭炮《 Monochrome》大碟，已於上週二（ 21日）出街。繼早前第 1擊〈 Miss Korea〉大 hit之後，上週再食住上推出主打新作〈 Bad Girls〉， MV中孝利女神照舊行性感之外，還化身壞女孩，又扮大肚婆，仲坐埋監壞到盡。
最重要係壞得夠型，連 fans都忍唔住大讚〈 Bad Girls〉是李孝利近年難得的佳作，此曲於上週推出後，即橫掃 Mnet、 Melon及 Navermusic等 9大流行榜冠軍，女神回勇。
'12風騷瞓床
性感入骨嘅李孝利上年就幫《 NYLON》時裝雜誌影靚相，露小蠻腰嘅李孝利瞓床撥頭髮， sexy到痺。
'13火併舞男
李孝利最近回歸樂壇，韓國有線頻道 Mnet專程為女神製作音樂特輯《 2HYORI SHOW》。節目中李孝利唔只着上低 V戰衣騷胸露長腿火併舞男，更捉住男 dancer激咀。
醜男嚇親媽
前年李孝利被踢爆與醜男音樂人李尚順拍拖，初期唔少孝利粉絲批佢哋遲早散，點知 2人拍拖至今依然恩愛，令好多人跌晒眼鏡。
女神的秘密 檸檬排毒
留言列表
