有「無綫咪神」之稱的梁政珏（Jeanette），從不吝嗇於晒身材，憑34C豐滿上圍，近日更成功撻着北海道牧場餐廳老闆何思源（John）。

本刊明查暗訪下，發現何思源原來已暗交Jeanette一段日子，早前本刊就直擊二人相約撐枱腳及Shopping，並買三級影碟調情，John更駕駛平治跑車管接管送，愛火一觸即發！

 

行到昏暗僻靜兼人少的地方，二人立即放下防線，男友貼近梁政珏，還在其耳邊輕輕細語。

今年初撻着

○八年由設計師變身北海道牧場餐廳老闆的何思源（John），據知於今年初在友人介紹下結識「無綫咪神」梁政珏（Jeanette）。二人經多次約會後，感情一日千里。雖然John一向在社交圈相當低調，但女方始終是藝人，出入難免被人認出，二人的好友關係很快通天。

據知情人士透露：「佢哋年初已經開始行埋，John經常都會帶Jeanette出席朋友聚會，Jeanette個人好豪放，所以同John嘅朋友好快就打成一片。佢哋嘅關係，在朋友圈已經唔係秘密。」

二人在店內逐張碟慢慢挑選，期間梁政珏對雲翔導演的三級電影《愛很爛》很有興趣。

電影講述在一個荒唐混亂的婚禮上，幾對年輕男女發展出五段沒結果的感情。片中大膽運用大量的同志題材，相當重口味。

日前，本刊發現一身輕便打扮的John駕着銀色平治跑車，晚上八時左右現身尖沙咀。戴上黑框眼鏡，穿白恤衫、冷外套配襯牛仔褲的他，先把戰車泊好，然後再獨自步行到金巴利道，原來他正是會合梁政珏。而穿上貼身迷你短裙，盡騷34C驕人身材的Jeanette，一見John即露出甜絲絲笑容。

始終當街當巷，兩人會合後，未有如一般情侶般手拖手，而是相當避忌，各有各行，且甚少交談。二人快步行到附近的圓山台灣料理，John才露出其風度的一面，替Jeanette開門，齊齊進內撐枱腳。

眼見梁政珏又拎手袋，又要拎住大袋戰利品，何思源主動幫手，夠體貼。