張栢芝最近冇戲開,為賺奶粉錢,密密接內地綜藝節目,今年 2月到上海參加《舞出我人生》。
真面目
自導自演 跳水騷禁整容星 𢱑撈張栢芝練水當跳咗
最近中港台明星爭住跳水,浙江衞視的《中國星跳躍》和江蘇衞視的《星跳水立方》打晒對台,為求話題性,兩台分別以高價利誘明星着泳衣跳水,前者有阿 Sa、韓星蔡妍,後者則以男星掛帥,有韓庚和肌肉男吳建豪,早前張栢芝更影晒練水相,令人以為佢有份。
不過,《水立方》節目播出兩集,都未見栢芝現身,網民同現場觀眾大表疑惑,原來只是𢱑撈格栢芝發功,最終未被邀請,一跳袋百萬的如意算盤落空。
由開始到現在,《水立方》的宣傳都沒有張栢芝,等了兩星期,有網民開始在網上炮轟。
模擬合約
《水立方》和《星跳躍》在年初開始邀請藝人,雙方都表明參加藝人不可整形,而《水立方》更在合約上訂明。
Rain︰我冇整過
成功入圍的藝人,除了一定要經過至少 30小時訓練外,還簽下協議書,表明自己從未造過整形手術,才可企上跳水台,合約上訂明「對鼻子或胸部進行過整形的藝人,就勸籲不要參加。」
而有份參加《水立方》的李彩華 Rain對本刊說︰「為咗安全問題都要簽嘅,我又冇整過,唔擔心。」雖然 Rain第一輪已被淘汰,但她是節目中唯一的港星(阿 Sa則出戰《中國星跳躍》),跳一跳就袋 100萬人仔,好過拍劇呀!
Rain近年在國內發展賺唔少,但她說今次是最危險的一次,而且 30小時訓練並不足夠,所以第一輪被淘汰即時爆喊。
對於張栢芝加盟,江蘇衞視副總監王培傑從未正面回應,本刊嘗試聯絡他,但截稿前仍未有回覆;但他接受內地傳媒訪問時,直言有 80%女明星整過容,所以很難找女嘉賓。
網民鼓譟
《水立方》酬勞高
一向鍾意騷肌的吳建豪,唔睇得都打得,順利過咗兩關,酬勞逐集計都幾和味。
韓庚之前練習 3米跳板時,因為個嘴合唔埋,搞到入水時整親上顎。再挑戰 5米時,入水動作唔正確,喺 5米深嘅泳池暈咗,呢啲真係辛苦錢!
《星跳躍》話題多
阿 Sa喺田亮指導下,練習不夠一星期已挑戰 5米台,但由於她有腰患,每次出場都要先敷冰及按摩。
跳水節目謝絕隆胸整容藝人,一向被傳整容同隆胸嘅周韋彤,今次似乎要打破傳言,上星期比賽時,周韋彤以黃色三點式上陣,入水時搞到泳衣走位疑似走光, 34D硬胸呼之欲出。
採訪、撰文︰娛樂組
留言列表