| 關寶慧仆到應 |
傅明憲呢頭走咗，另一醉嬌娃關寶慧接住登場，出名劈得嘅佢當然「守尾門」，豪飲至凌晨三點幾由李思捷陪同離開。
起初佢都行到路，只係腳步浮浮兼慢動作，外表睇落好正常，點知行行吓竟然「嘭」一聲仆低，一雙玉腿就咁遭殃，東姑都戥佢痛！雖然李思捷同保安都即時扶起佢，但醉上腦嘅佢全身乏力，扶極都扶唔起，加上李思捷都有幾分醉意，最終擾攘咗十幾分鐘先上到車，認真惡搞！
關寶慧係醉，但李思捷亦唔多清醒，無啦啦直豎拇指叫東姑：「你幫手睇住獎門人（志偉）呀！」
嘩！冇花冇假，關寶慧跣到坐低，拍劇都冇咁入戲呀！
李思捷與老外馬上扶起佢，但關寶慧就跌到面容扭曲。
擾攘十幾分鐘，關寶慧終於上到車，唔知佢第二日記唔記得自己係點返屋企呢？
全站熱搜
留言列表
