Beauty Hunt
狂舞少女 顏卓靈
睇過麥當勞、 Olympus廣告,都會對廣告中出現過的 bob頭、爆牙得意妹顏卓靈( Cherry)留有印象,過去冬菇頭一向係佢 icon,但 Cherry早排突然剪走劉海兼留長頭髮,少女長大了。
19歲的 Cherry,出道時被封為「爆牙薛凱琪」,除了外貌相似外,星途亦以正版為目標。 13歲入行,最近於以街舞為主題的土炮獨立電影《狂舞派》中,擔正做女主角,片中要真身表演多場狂舞演出,但對於小學已開始學跳舞的 Cherry來說,絕對冇難度,簡直係開正佢嗰瓣!
Cherry上年開始踏入影壇,拍過《大追捕》及《浮城》兩部戲,早前憑《大追捕》獲香港導演會的新人獎,的確是一個好開始。
本身自細已學跳舞,中學更學齊多種舞蹈,又代表學校出外比賽獲不少獎項,難怪 Cherry話拍電影《狂舞派》,唔只好玩,仲遇番好多跳舞 friend,所以拍得好輕鬆,好好玩。
Keep住似白紙
一入行拍戲,合作過的都是影帝級人馬,如郭富城和任達華,加上憑電影《大追捕》獲早前舉行的香港電影導演會頒新演員獎,起步算好理想。
「發展得咁順咁快,我有時都未習慣,都會驚,但真係覺得好幸運,好感恩。之前拍《迷離夜》同 Kelly(陳慧琳)、梁家輝合作,梁家輝教我好多嘢,提點我要一路學習先有進步。我想 keep住似張白紙,可以有好大空間發揮!我偶像係蕭芳芳,我夢想係做一個有發揮嘅演員,以及將來可以做一啲慈善工作!」好學又善心,要畀 Like啦!
08年開始拍廣告,其中麥當勞廣告令人印象深刻,更受不少網民熱捧;之後 Cherry亦接了不同廣告 job,可謂近年的 CM女王。
Profile
姓名:顏卓靈( Cherry)
年齡: 19歲
身高: 165cm
學歷:現讀浸會大學英文及文學系 Yr.1
擅長:舞蹈(中國舞、社交舞、芭蕾舞、 Jazz& Hip Hop)
喜愛歌曲:林二汶〈最好的時光〉
採訪、撰文:魏紫嫦
攝影:范仲良
化妝:比比@ Touchcup
髮型: Will@Queen's Private
留言列表