小報告
明星自導潮
最老土嗰句:演而優則導。拍戲拍咁多年,自然想試吓做導演,由等埋位演員變做片場話事人。
最近多位演員轉型做導演,簡直變熱潮,其中徐天佑、梁詠琪等以玩票性質拍微電影;影帝任達華則執導其中一個鬼片單元,同陳果、陳嘉上等名導同片較量;至於楊采妮最強,除氹掂內地電影公司保利博納揼水開戲,又搵到郭富城及桂綸鎂擔正,處女作一定唔衰得!
講乜?
電影講述下半身殘障的女鋼琴老師(桂綸鎂飾)被名醫(張震飾)性侵,新晉檢察官(郭富城飾)為受害人出頭,對抗狡猾的辯方律師(夏雨飾)。
Charlie首次執導已有徐克(左二)做監製,郭富城(右一)及桂綸鎂(左一)主演,有老友幫拖,拍得放心啲!《蘋果日報》圖片
Charlie同郭富城相識多年,又在電影《父子》(上圖)合作過,開到口城城一定唔會托手踭。
楊采妮:
最大考驗係體力
大把人幫拖
唔係讀電影出身,由演員轉型做導演一定有困難, Charlie話全靠經驗同人脈關係搭夠,「我知我唔係讀電影出身,但我之前拍咁耐戲累積咗唔少經驗,今次有好幾位前輩鼓勵,例如徐克同張之亮幫手做監製,彭順又畀咗好多 guideline我,加上阿城、張震同桂綸鎂一聽到我做導演,都好快應承會演出。」
新手喺片場分分鐘被睇低,好在 Charlie好畀心機同工作人員溝通,加上一班星級演員都係相識多年的好友,拍攝 40多天即順利完工。「有啲 technical問題例如場景、演員度期等,我一早準備好晒,而 Aaron佢哋都好有誠意,盡量就晒我個檔期;我覺得做導演最大考驗反而係體力,拍戲係好長時間、好 intensive,就算收咗工個腦都冇得休息,不斷會諗下一場要點拍,所以我暫時未有計劃下一套戲,我一定要好 ready先會做!」
張震飾演禽獸醫生,佢話一收到劇本已經好有興趣,冇乜諗過形象問題就應承接拍。
桂綸鎂飾演被張震性侵犯的鋼琴老師,而郭富城則係桂的代表律師。
趙薇出手 王菲出口
《致》片除了有趙薇執導,亦有關錦鵬做監製。
趙又廷係第一男主角,同內地女演員楊子珊做情侶。
趙薇叫到,天后王菲義不容辭幫手唱主題曲〈致青春〉。
任達華:做導演似打雜
出道 36年的任達華好戲唔使講,等到 10年才憑《歲月神偷》成為金像影帝,最近以 58歲之齡先決定做導演,可說最遲起步導演。但有心唔怕遲,其首部作品都係同香港情懷有關。「港產片近年好萎縮,但我本身好鍾意港產片,所以想拍一部有香港情懷嘅電影,今次呢套鬼片《奇幻夜•迷離夜》係改編自李碧華一本小說,我只係拍其中一個單元啫!𠵱家我籌備緊一套警匪片,自編自導自演,仲會做埋攝影師!」
雖然貴為影帝,但華哥落到片場都唔會有人服侍,「我覺得做導演最困難係要好似打雜咁一腳踢,每日又有一大堆問題要解決,不停有人同你講呢樣有問題、嗰樣又有問題,呢啲嘢最困擾!其實今次呢個短篇得 35分鐘,似係小學生拍嘢,不過小學生都可以拍出一啲教授式嘅作品㗎!」好有自信喎華哥!
身為導演,華哥親力親為周圍睇景,同工作人員有商有量。《蘋果日報》圖片
首次做導演,華哥上月親自出席宣傳活動, 6個單元的導演分別係任達華、陳果、陳嘉上、劉國昌、李志毅及泰廸羅賓。
講乜?
電影改編自李碧華兩本同名小說《迷離夜》及《迷幻夜》,而任達華執導其中一個單元,有邵美琪及林雪主演,其他單元則有陳慧琳及 DaDa陳靜等參演。
張家輝又拍鬼片
星導人辦 '81張艾嘉
'86爾冬陞
曾經係邵氏一線小生,拍過《三少爺的劍》、《倚天屠龍記》等,爾冬陞在 86年轉型做導演,處女作《癲佬正傳》大受歡迎,其後更憑《新不了情》及《旺角黑夜》兩度贏得金像獎「最佳導演」。
'94周星馳
'98吳鎮宇
徐天佑:剪片剪到走火入魔
99年入行拍戲、當年在陳果執導的《細路祥》客串細路祥阿哥一角的徐天佑,十幾年來又唱歌又拍戲, 02年與黃又南組成 SHINE,曾經歷拆夥,之後出過幾本小說,去年又重組搞了個跨年演唱會,爆到七彩!
事業回春, 29歲天佑今年更自編自導自演微電影《子彈人》,連幕後都撈埋。 12分半鐘的微電影只是起步,天佑手頭上已有個與彭浩翔一齊度的劇本,打算進一步向長片埋手。突然撈過界,天佑話多得彭導啟蒙,「 05年我喺彭浩翔套《 AV》入面飾演導演,當時發覺原來做導演又幾好玩喎,咁啱鳳凰衞視叫我拍條短片,我試完覺得自己可以向呢方面發展。」
「你係邊位呀?」
由演員轉做導演,天佑話兩個崗位好唔同,尤其係後者,有好多事都要處理,「演員只要聽導演指示就可以,但做導演要兼顧好多嘢,尤其係天氣變化同突發嘢,例如演員受傷等,呢啲都好難預計。不過壓力最大係做後期,特別係剪片,你唔知剪到幾多先叫好睇,有時真係會剪到走火入魔!」
技術問題容易解決,反而搵人投資部戲先最痛苦,「試過傾到八八九九,點知個老闆突然又話唔拍;又有一次個老闆叫我寫幾個版本出嚟,到我辛苦寫完,佢竟然連電話都唔覆我,冇晒回音!我知有啲人會覺得『你係邊位呀?返去拍戲啦!』會聽得出說話有骨!」
除咗執導微電影,天佑亦為 SHINE的〈愛迪生〉 MV執導。
天佑有份參演 11年的《世紀戰疫》,當時已向荷里活名導史提芬蘇德堡(左)偷師。
天佑與經理人錢小蕙合作無間,現時正拍攝由對方監製、陳果導演的新片《那夜凌晨,我坐上了旺角開往大埔的紅 van》。
微電影過手癮 梁詠琪
去年為上海國際電影節首次執導的梁詠琪,處女作《幸運曲奇》只得 21分鐘,但 GiGi捱了幾晚通宵剪片;其後又為愛護動物協會拍另一套微電影《嫌棄》,搵來林嘉欣做主角。
關心妍
首次執導微電影的關心妍,在作品《沒關係》中自導自演,故事講一段中港情緣, Jade刻意揀鬚根型男做男主角襯自己。電影暫定今年內上畫。
留言列表