Michelle身高 165cm，因熱愛跳舞，故體重只有 90磅。問她下一個目的地， Michelle靦覥笑說：「好想去愛琴海，喺嗰度結婚應該好靚。」
U花 U草
理大索模 拒入浮華大地
Michelle 范愷雯 理大會計系 Yr.2
洪永城由烽火大地走到浮華大地，豪華靚車接送，狂掃名牌靚衫，享受奢華，港仔港女得個恨字。
但現就讀理大的范愷雯（ Michelle），熱愛旅行，偏不像港女只愛掃貨歎世界，反而最愛出走大自然影靚相，即使行幾個鐘登山睇日出都毫無怨言， 21歲的 Michelle笑言：「總之唔使露宿街頭就得啦！」
港人生活壓力大，每年都要去吓旅行減壓，仲要愈遠愈好。但同愛旅行，最近幫旅遊雜誌出埠影靚相的 Michelle，卻愈遠愈怕怕，「我唔鍾意搭長途機，喺飛機上瞓唔到，出入去洗手間又唔方便，怕嘈醒隔籬位，去日本 4個鐘已經係極限！我都慢慢克服緊。」以為 Michelle在飛機上無所事事過幾個鐘？她反而因此培養了另一興趣，「喺飛機上冇咩可以做，我就開始試寫旅遊日記，記低旅行嘅大小事同心情。我會儲低啲收據呀、車飛呀、硬幣等，曬埋啲相，貼喺本日記上面，仲要整到靚靚，等自己第日可以回味。」
去過亞洲 6、 7個國家的 Michelle，卻不愛血拼入貨，「我去到日本都去啲偏僻嘅小鎮，可以影多啲大自然靚相。之前又試過去韓國住農民屋企 working holiday，去到要幫手耕吓田，雖然最初溝通唔到，但慢慢透過肢體語言，都會明大家嘅意思，仲了解到異國文化。如果要買嘢，不如留番喺香港啦，我覺得𠵱家後生，唔使一定要住靚酒店嘅，總之唔使露宿街頭就得啦！」
煮得一手好餸，最愛中式牛柳及煲湯的 Michelle，現入住理大宿舍勵志堂，卻令她減少機會下廚：「一個人食有時都唔知煮乜好，但有時同房或者 Hall友得閒就會煮吓！」
Sweet爆的 Michelle當然惹來 model公司向她招手，之前就為 Pizza Hut拍過廣告，更試過到越南、東京等地為旅遊雜誌影相，工作之餘又可一解旅行癮。
南韓的南怡島是韓劇《冬日戀歌》的取景地點，亦是 Michelle至今的最愛景點，「呢度四季都好靚，夏天兩邊樹都係翠綠色，秋天就有紅葉，冬天仲有雪景，我有機會一定會再去！」
Michelle每次旅行後都會製作旅遊日記，記錄旅行時的回憶，她說：「去外地好難曬相，所以會返香港先曬相，完成埋本日記，都要用成個月去整。但日記可以攞上手睇，比起喺部電腦度㩒更實在，所以我會想繼續整落去。」
U花 U草：
只要是各大專界的靚仔靚女，《 FACE》就會介紹給大家認識。
撰文：譚家昌
攝影：何榮亮
形象： Bryan@the Flaming
化妝： Wing@Wing L image
留言列表
