第三十二屆金像獎頒獎典禮於上周六（十三日）圓滿舉行，全晚焦點除了是一對舊愛楊千嬅與鄭中基同台之外，男方憑《低俗喜劇》榮獲「最佳男配角」時的感人肺腑之言亦令人感動難忘。

鄭中基在台上嗚咽感謝各導演前輩，也不忘公開表示要將獎項送贈給太太余思敏（Sammie）及女兒Emma，在慶功宴上更當眾興奮錫爆老婆示愛。昔日「浪子」成家立室後驟變「愛妻號」，全因娶到個又靚又旺夫嘅老婆！

鄭中基於金像獎頒獎典禮上獲得「最佳男配角」獎項後，偕太太余思敏出席慶功宴時，並當眾錫爆老婆。

鄭中基從舊愛楊千嬅手上領獎，表現靦腆。

浪子回頭

在金像獎頒獎典禮上，鄭中基憑《低俗喜劇》在舊愛楊千嬅手上領過獎項後，哽咽着說：「由我出道開始，畀人印象唔係幾好，因為我爸爸（鄭東漢）係唱片公司嘅老闆，而我自以為自己唱得幾首歌就懶叻。咁我亦都冇令大家跌眼鏡，我真係周不時都出事。但好彩我一世都好好運，畀我遇到好多好錫我、好支持我，同埋冇放棄過我嘅人。」

除此之外，鄭中基又引述了劉德華給他的勉勵說話：「佢話：『浪子回頭金不換』，所以我將我自己覺得最叻嗰樣嘢──唱歌，放低咗，我去咗拍電影……最後，我要多謝我屋企人、我爸爸媽媽對我不離不棄嘅支持。我將呢個獎，獻畀我老婆Sammie（余思敏）同埋個女Emma，多謝！」他的言辭感動得台下的余思敏不停拭淚。及後，鄭中基偕余思敏出席慶功宴時，又當眾興奮地錫爆老婆，表現相當恩愛。

一一年七月，余思敏為鄭中基誕下女兒Emma，同月，兩人在親友見證下於家中註冊結成夫婦。