志偉歡迎三哥錫新抱
最近有指曾志偉新抱Renee姣溝苗僑偉（三哥），並有二人錫面相流出，前晚志偉錄影節目時表示一家人關係未受影響，而三哥已向他備案：「佢話踩單車時有人去問佢嘢，我身為演藝人協會會長，呼籲藝人唔知頭唔知路，可以唔答。」志偉說三嫂戚美珍也不忿老公被屈，並指藝人家庭很麻煩：「一個有事，全家都要回應，長輩禮貌錫後輩，就話勾佬。我個仔同新抱唔係圈中人。（叫佢哋檢點啲？）冇可能，長輩錫後輩好正常，唔通叫佢拒絕？」他再強調與新抱關係很好，並已安慰她。
而黃宗澤（Bosco）昨出席劇集開鏡時說，前晚跟三哥等食飯一同看新劇《好心作怪》首播，問可有說起三哥跟曾志偉新抱的親密照？Bosco指三哥捉住他錫，再將相片放上微博，並說：「呢啲相大把，我覺得係為劇宣傳，（你有冇啲用嚟宣傳？）冇。（同胡杏兒影囉。）嘩！」
全站熱搜
留言列表
