FACEweekly

森美　笑住去滾

笑稱自己是小男人，膽小又悶蛋，情路也異常平坦，男人四十，只拍拖三次，最近的一次還是'95，至今已結埋婚！最近，森美竟然說要去滾！放心，今次「森美要滾」，查實是他即將舉行的 talk show主題，化身 Rocker Sammy，因為他 40年來太正經，要跟番現今社會個 beat出來「滾」吓見識吓，將社會的謬論化成笑話。

自己未試過滾，那麼單獨約會呢……

除非係 Angelina Jolie啦，底線係小儀，哈哈！我之前寫嘅《森之愛情》廣播劇、電視劇，同即將會在書展出的《公子森林》都是來自我的幻想，一個中佬在文字上所發嘅綺夢！其實得幻想都冇咩唔好，我老婆都話一齊十幾年其實難維持，有時都要熄吓燈，多點幻想空間先 keep到！

有冇一刻後悔未曾玩過？


上年尾森美夥拍 Bosco拍電影《等我愛你》，入面「食」女無數！今次講滾好貼題。 

F.2時試過與同學去 camp，有肥仔、瘦仔、矮仔，但個個有拖拍，得我冇，俾佢哋笑，情人節仲偷偷攬住個枕頭喊，不過當佢哋掛住識女仔，我就去睇有關 cocktail嘅種類呢類書，以為出去識女仔可以同佢傾冷知識，其實係錯晒！但結果我朋友曾試過讀書時期要籌錢去幫女友墮胎，而我就唔需要擔心响自己經濟能力未應付到嘅時候，要去作不必要嘅煩惱。

今日為咩事要滾？

現今世界好多奇怪嘅事，好似冇晒真善美的想法，例如高皓正之前於 facebook發表嘅『偉論』，其實係佢對自己要求高，又冇要求大家去跟，結果俾人狂插。今次嘅棟篤笑好想講人『滾』犯賤嘅心態！今次仲會講吓好多娛樂圈嘅矛盾事，好似陳山聰，又散又箍煲又分手，點先？仲有許志安同 Sammi，其實報紙點寫都冇用，佢哋一齊同分開每次都似假！

今次棟篤笑有咩綽頭？

棟篤笑一定要每一次都有新 gag！我會同導演、編劇傾吓稿，又會同朋友去蘭桂坊飲嘢，試吓講少少內容睇吓佢哋笑唔笑得出，唔好笑又再改。黃子華做了十幾年已經係棟篤笑嘅一代宗師，今次希望做到有自己 style，之前棟篤笑有個 opening gag，今次我都會 keep住講，我希望以後我一出現就會講呢個 gag，可以等人記住！

情聖回歸！

森美第三次搞個人棟篤笑，延續上回棟篤笑上的情聖主題！俾人話係戀足癖都冇有怕仲食住條水攬埋美腿影海報，真係要寫個服字！上次教中女脫「盛」行例，今次教你醒目「滾」，男男女女一齊大解放， 7月 20至 23日灣仔伊館見！票價：$280、$380（詳情留意城市電腦售票網發售日期）


撰文：陳家豪
攝影：吳偉業

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄