Fun App

Instagram  Pixplit 圖片接龍鬥創意

呢排網友瘋傳〈如果這是情〉接龍改歌詞版，接龍 app再玩 Draw Something已經 out。
「圖片拼貼界 Instagram」《 Pixplit》近期出埋新版支援 Android，玩法係用相片接龍，你影完一 part，即刻 upload上去畀朋友影埋另一 part，集體創作奇異合照，想李慧瓊陪關菊英又得、 GD撈埋 Tommy都得，創意比攝影技巧更加重要。就算天生影相技巧唔高，都好易呃到朋友 like，暫時香港未係好 hit，想潮就要快人一步玩啦！

如果李慧瓊嫁畀關菊英 

王菲與達明上咗 Larry King 

誰願紮炮　高咗嘅皓正 

餓鬼張天愛暗嗒葉宇澄 

四格拼圖接法多

《 Pixplit》操作算非常簡單，最麻煩都只係一開始玩要申請帳戶（只需填 Email），亦可以即時同 Facebook連結，連結後仲可以即時加入埋 Facebook上有玩緊嘅朋友。
之後揀 New Split影新相片，自建一個由二到四格嘅相框拼圖，再即影或匯入一張圖片，搞掂後就會自動發佈，你嘅朋友睇到你張相，就可以揀個空格繼續影，同你第一格接龍。如果灰到冇朋友接落去，都可以自己搞掂埋。個 app同時亦有 filter玩，當係基本相框併圖 app用一樣得，接法、玩法一樣咁多。

1.基本介面好復古風，唔影相，入 Popular就可以睇到呢期最爆作品，又或者 My Feed睇吓有冇人開咗格等你接。 

2.相框基本有 9種，如果肯畀 US$0.99可以另外買多 9種，但一樣最多得四格。 

3. Profile介面乾淨有型，玩開《 Instagram》實識用啦！

Pixplit
容量： 7.5M
機種： iOS/ Android
價格：免費

Android link 

iOS link

即試整原創黑包相

1.開第一個格後要先整張相，玩近期勁多改圖嘅黑包啱晒！ 

2.之後就會即時 upload去你個 page度。朋友見到個黑包即刻識點接？搣個 join掣就可以接落去啦！ 

3.搞好晒三格之後就算完成，但如果你覺得其他朋友接錯呢條龍，其實都可以响第二張相接過，唔使一定要跟前面！ 

4.完事後可以 share去 Facebook或 Instagram，再唔係 save落手機都得。 

奴 COMMENT

可以變身大隻佬，要多謝張家輝！ 

呢個相片接龍好好玩，比起 instagram多一點樂趣，自己開題或接人龍都要動腦筋。最好關注多啲外國朋友，世界大啲，相片題材又豐富咗，好好玩呀。其實由獎門人遊戲到人生都充滿接龍元素，玩遊戲你要接，供樓你都要接，而且唔可以斷。接龍文化同大家實在有緊密關係。當然最好玩都係網友超瘋狂又好笑的接龍創意笑點。人生的接龍太壓迫，要玩其他接龍來唞唞氣呀！

撰文：熊俊彥