安志杰由美國返港出席 S.T. Dupont與日本漫畫《 One Piece》（海賊王）聯乘活動，初頭佢都笑笑口，但之後被 FBI同班行家包圍問關於同婷婷分手嘅嘢就開始標汗，勁緊張。 

FBI

情傷安志杰冇 hea

上月尾傳出安志杰因為 hea爆荒廢工作，激親女友謝婷婷， 4年情咁就玩完。志杰仲搬離同婷婷嘅同居竇，搬入老友伍允龍屋企暫住。

 

上星期三（ 29日），安志杰終於蒲頭出席活動， FBI見佢笑笑口，心情 ok喎，安志杰話：「已經好耐冇見（婷婷），喺美國返嚟冇見。」 FBI八到，其實安志杰此行去美國，除咗係因為出席家姐婚禮，仲係為一套荷里活電影試鏡，而黎明愛將李治廷亦有份。至於成唔成功，暫時仲未知，不過就證明安志杰唔係一尾 hea唔做嘢囉。

 

安志杰同婷婷同居嗰陣養咗 1隻約瑟爹利狗叫 Bruce Lee（李小龍？唔通係安志杰改嘅？）及 3隻英國短毛貓。分手後，呢幾隻小動物就歸婷婷撫養，搞到安志杰心掛掛，不停喺 Instagram po舊相話掛住佢哋。


撰文、攝影： FBI

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄