梁烈唯自爆遭迷暈失身

#video_player{width:100%;height:100%;}

■張繼聰玩遊戲玩到瞓晒地，就連打電話遊戲都四處碰釘。

現年34歲的梁烈唯前晚與吳啟華、周秀娜、張繼聰等到電視城錄影《超級無敵獎門人終極篇》，唯唯與女友Tina拍拖逾十年，感情穩定，不過前晚他在節目內玩真心話環節時，坦承試過兩次一夜情，並自爆於21歲首次試一夜情，更暗示是在非清醒情況下發生關係。
唯唯笑說：「好迷糊記得有兩次，21歲係人生玩得最勁，蒲得最犀利，佢哋當我小綿羊，話見你醉就帶你返屋企休息，仲畀杯嘢我飲話會清醒，點知飲完就唔清醒，不過咁醜嘅事唔好提。」未知唯唯是否怕被女友秋後算賬？而唯唯玩食辣辣壽司時，連食兩件已面露難色，當要再食第三件時，他跪地向曾志偉求饒，最終志偉放他一馬。

■自爆試過兩次一夜情的梁烈唯（左）食辣壽司食到面容扭曲。

■吳啟華帶同女兒現身《獎門人》。

■自言身上有眼睛𥄫實的周秀娜玩呼拉圈時論論盡盡。

揭蔡少芬大女人

而其他藝人玩真心話都很認真，陳煒直認曾一腳踏兩船，帶同女兒到場的吳啟華更先認後又反口不認，遭志偉勁寸說：「第一日識你咩，你起碼一腳踏六船，到底幾多個啫。」令啟華十分尷尬。有傳當年啟華曾追求蔡少芬，他說：「每次拍戲我都好投入鍾意對方，但只係鍾意角色，蔡少芬喺現實係大女人嘅女人，我又點會鍾意。」
密實示人的娜姐全晚明顯不在狀態，顯得呆呆滯滯，玩呼拉圈時更不敵同場的小儀，最終要靠志偉等人幫拖，才蒙混過骨。小儀被問到是否曾懷疑自己性取向時，即抵死寸金剛說：「因為冇男仔埋身嘛，金剛要啲乜我都鍾意啲乜，佢要hot baby、身材正，同埋鍾意玩波波，波波係壘球，我鍾意呢類型女仔。」
採訪：卓寶花
攝影：陳慧安