| 倪震頹Look車索女 |
倪震○八年喺蘭桂坊同城大校花張茆激吻後，女方一啜成名，而倪震亦戲劇性咁結咗婚。最近張茆嫁老外，而久未露面嘅倪震去咗邊呢？東姑日前就喺尖沙咀見到換咗全新形象嘅倪震。
冇見一排倪震成個發福晒，肚腩脹脹，留咗羊咩鬚，嗰日佢拎住杯嘢飲，一面行一面啜，正準備載一名索女同老外朋友離開。為咗避嫌，索女見到東姑即坐去後座，而老外就自動自覺坐去前面，好醒目。
東姑定神諗真啲，倪震突變頹廢look，莫非係倪太周慧敏嘅主意，免得佢再孔雀開屏？
○八年倪震同張茆喺中環激吻後，女方因此而聲名大噪；五年後，張小姐已嫁人，但倪震嘅外形竟然變得咁頹廢，同以前嘅才子造型，判若兩人。
倪震帶住索女與老外，一面行一面狂啜杯飲品，呢啲充滿糖精嘅飲品超肥o架，咁飲法唔怪得佢暴脹啦！
索女見到東姑後立即走去後座上車，唔通怕東姑又話倪震孔雀開屏。
全站熱搜
留言列表
