冇平貨理大學生會的福利專門店，出售的文具比市價平 3至 4成，如果執笠，學生要捱貴貨。
U Spy
理大就冇平文具
理大評議會在月初投票通過取消學生會轄下的三個常設部門，包括福利事務委員會（ WAC）、宣傳事務委員會（ PAC）及體育事務委員會（ SAC），無啦啦 cut莊可以話係史無前例。
冇影印另外福利專門店還提供影印服務，兩毫子一張連釘裝，比校園內其他影印服務平一半。
PAC主席 David嗌晒救命：「評議會話支莊係浪費資源。但係我哋要負責審批所有宣傳物品。一到 Ocamp，要批近百個組織嘅海報，仲要逐張揼學生會印，取消咗我支莊，即係冇人幫手做嘢，我一個人點處理到！」而少咗福利事務委員會，更隨時令到理大嘅學生福利專門店冇人管理而執笠，學生冇得買平文具同影印。
有同學向 Spy爆料：「其實評議會同學院不嬲都唔妥呢三支莊，覺得佢哋搵人勁，自己搵晒啲型人叻人上莊，想踢走佢哋好耐，呢啲咪樹大招風囉！」上莊啫，使唔使好似拍《金枝慾孽》咁呀！
福利事務委員會主席 Bankson
同學生會上訴緊！（真實對白） 
有學生不滿評議會連 cut 3支莊，於 fb內建立反對群組，大鬧評議會黑箱作業，堅決反對廢莊。
U Spy：
全站熱搜
留言列表
