鄧穎芝今年 27歲，比起林師傑大 3年。雖然佢兩個外形已經好似家姐同細佬，但 FBI都估唔到佢哋拍拖 1年就玩完。《蘋果日報》圖片
FBI
鄧穎芝林師傑姊弟戀玩完
樂壇「四小強」之一嘅鄧穎芝，舊年先被人影到佢同細自己 3年、巨聲幫嘅有錢仔林師傑拍拖，二人試過夜媽媽約跑步拍拖，忘情間仲喺街頭狂咀，又孖住去紅館睇郭富城演唱會。
熱情過後就係冷靜， FBI收到風，佢兩個最近甩咗拖，而甩拖原因仲係因為鄧穎芝識咗第二個男仔。雖然女友疑似有小三，但林師傑都冇發難渣， FBI打過畀佢，問佢係咪俾女飛，佢都唔肯回應，都算保持風度喎！
全站熱搜
留言列表
