| 陳茵媺闊太排場 |
陳豪同陳茵媺（Aimee）拍拖未夠兩年，屢傳婚訊，早前有指陳豪以三千三百萬元購入大埔比華利山獨立屋築愛巢，又高調接剛喺馬來西亞拍劇返港嘅女友機，似乎好事近！
上周三（八日），Aimee和陳展鵬及黃浩然等到長洲宣傳新劇《情越海岸線》，「待嫁」嘅佢，特別容光煥發，手上仲拎住個炒價十五萬嘅綠色Hermès birkin手袋，有晒闊太啲架撐。東姑八卦吓佢係咪升呢做「陳太」，佢就對求婚一事繼續玩神秘：「有冇都唔話你知。」不過，名花有主嘅佢，同場男演員都唔敢埋身，睇嚟陳豪「落大訂」一事已經傳遍公司喇！
Aimee除咗拎名牌袋外，仲自攜名廠專業相機，一身貴嘢！
陳展鵬當眾調戲黃浩然，二人老友鬼鬼。
Aimee同陳豪打風都打唔甩，當她走近同劇男拍檔，他們免惹緋聞，即自行組「男人堆」。
見二男（黃圈）四散，Aimee只得轉身跟身後嘅李詩韻吹水。
全站熱搜
留言列表
