MoMo年齡： 4歲性別：男品種：松鼠狗DaDa年齡： 9歲性別：女品種：積羅素KiKi（左）和 Cathy十分愛她們的寵物，並將狗狗視作家人般愛護。

Petbook

Choco- KiKi、 Cathy　愛犬 Rock女

女子組合 Choco，拿起結他和鼓棍大唱 Rock歌，有型又夠 cool，原來私底下愛心十足，其中兩位成員 KiKi和 Cathy更是愛犬之人，每逢節日喜慶，她們都會帶自己的狗狗出來相聚，感情十分要好。二人即使平時工作幾忙都好，每日都抽時間陪愛犬散步及玩耍； Cathy更在家中裝 cam，工作時都可透過手機看到愛犬，即時能量大增，投入工作。

Choco走 rock女路線，估不到 KiKi、 Cathy是愛犬之人，亦有溫柔一面。

採訪當天，記者相約 KiKi和 Cathy來到觀塘碼頭的寵物公園，當松鼠狗 MoMo看到積羅素犬 DaDa，即走上前嗅對方，並互相追逐，十分活潑。 KiKi笑言：「 MoMo平時都好活躍，好鍾意吠，加上 DaDa係女仔， MoMo見到佢特別開心。」
4年前， KiKi把 MoMo帶回家，「我之前養過松鼠狗，我好鍾意細狗同白色，有次喺網上認識咗一位狗主，咁啱佢屋企有一竇剛出世嘅白色松鼠，之後賣咗一隻畀我，佢就係 MoMo。」

患腸胃病嚇怕主人

KiKi剛帶 MoMo回家時，即染上腸胃病，令 KiKi非常擔心，心怕 MoMo會離她而去，「我之前養嗰隻松鼠狗，就係感染咗腸胃病，獸醫話呢類病有 7成機會醫得番，點知佢最後走咗，令我非常傷心。我拎 MoMo返嚟時，感染番同一個病，原本都想帶 MoMo去睇獸醫，但經過上一次經驗後，我已經對獸醫失咗信心，最後我打番畀個狗主，點知佢話帶 MoMo去獸醫度打支針就會好番，所以就畀佢試吓，最後 MoMo真係好番晒，𠵱家個腸胃都好健康。」
相比起 MoMo， DaDa則比較害羞，喜歡黐着 Cathy，「積羅素係獵犬，雖然 DaDa好黐我，但都好活躍，成日要我同佢玩拋波同尋寶遊戲，需然平時做嘢會做到好夜，但我都堅持每日抽少少時間同佢落街散步。」

KiKi平日會帶 MoMo行山做運動。

小時候的 MoMo鼻子是黑色的，長大後漸漸變成粉紅色。

裝 cam減思念之苦

平日工作繁忙， Cathy不常在家，所以她想到個妙計，令自己可以任何時刻都看到愛犬，「我喺 DaDa張床前面裝咗個 cam，透過電話可以睇到佢嘅一舉一動，平時做嘢掛住 DaDa，就拎部電話出嚟望吓，見到 DaDa我就開心番，幫我補充咗正能量，可以繼續工作。」
Cathy說 DaDa有皮膚敏感，曾試過受感染面腫似豬頭，「試過有朝瞓醒，見 DaDa個樣腫到成個豬頭咁，我即刻帶佢去睇獸醫，醫生話佢皮膚敏感，幫佢打針同畀咗啲藥膏佢搽。事後先醒起，前一日我帶 DaDa出街時，經過一間鋪咗地毯嘅鋪頭門口，應該係咁樣受到感染。」獸醫叮囑 Cathy不要讓 DaDa抓癢，「之後有幾次見 DaDa起手想抓塊面，我即刻叫佢唔好，佢真係放番手落嚟，好似真係識聽我講嘢咁。」

DaDa試過皮膚敏感， Cathy笑言牠腫得像豬頭。

Cathy家中裝有攝錄鏡頭，好讓她在忙碌中透過手機看到 DaDa。

MoMo跟 DaDa相遇便異常興奮，撩對方玩耍。