原本走開天真少女路線的尹恩惠，近年轉型變身成熟索女，連 Calvin Klein都搵佢影寫真做生招牌，唔只露 bra仲騷埋靚腿，女人味滿瀉。
韓面
尹恩惠 苦情教主
韓國大熱電視劇《想念你》，最近終於在無綫網絡電視（前稱收費電視）精選台播放。此劇除令男主角朴有天掃盡視帝獎外，女主角尹恩惠亦人氣反彈。
一向扮開傻大姐的尹恩惠，於《想念你》中大玩悲情一樣掂，去年尾更憑《想》劇擸盡演技及人氣獎項。劇中造型斯文密實，幾乎每集都喊嘅尹恩惠，其實擁有 33C火辣身材，試過着胸圍內褲影性感相。而佢喺《想》劇內經常塗螢光粉紅唇膏所引起的關注，更令佢企穩韓國「時尚教主」之位。點解香港班視后，一啲都唔潮嘅？
《想念你》中，飾演重案組刑警嘅朴有天，會同尹恩惠飾演嘅初戀情人上演一段苦過苦茶嘅愛慾情仇，夠晒戲味。 
劇中，尹恩惠經常塗上螢光粉紅唇膏，凸顯其性感厚唇，唔少韓妹都爭住模仿，變成潮 icon。
扮苦女翻生
於《想念你》一劇中，尹恩惠飾演一名殺人犯的女兒， 15歲時同男友朴有天兩小無猜，但因捲入家族鬥爭，被迫分開。長大後，原本同富二代男友俞承豪到談婚論嫁地步，但竟重遇初戀男友朴有天，而且得知朴有天多年來一直等待自己，令佢飽受苦戀的煎熬。
劇情超戲劇化，加上尹恩惠搭住人氣偶像朴有天，《想》劇由去年 11月於韓國出街，最高收視高達 17.9%，大勝同期由池珍熙擔正的《大風水》成當季劇王，而劇中經常喊苦喊忽的女主角尹恩惠，亦因感動唔少韓國觀眾，上年尾於 MBC演技大賞中，取得「韓流明星獎」及「人氣獎」，喊回人氣。
面對與朴有天嘅苦戀，劇中尹恩惠經常喊苦喊忽，而現實中，尹亦曾因為太投入，試過收工後返到屋企依然控制唔到情緒而失眠，真係陰功豬囉！ 
去年尾，朴有天同尹恩惠出席 MBC演技大賞時，有天當眾摸尹恩惠額頭，仲表現得鬼咁溫柔，好入戲。
恨識男朋友
拍完《想念你》後，尹恩惠再成廣告搶手貨，最近韓國化妝品牌 M.A.C亦搵佢做新一季唇膏代言人，希望用佢嘅人氣刺激銷量。 
憑《想念你》一劇翻生嘅尹恩惠，喺 MBC演技大賞中，一箭雙鵰攞埋「人氣獎」及「韓流明星獎」。
4大秘訣保身材
'03
10年前尹恩惠面部浮腫、麒麟臂、水桶腰樣樣有齊，想唔話佢豬扒都唔得。但𠵱家麒麟臂消失， 30吋水桶腰變 24吋黃蜂腰，連腳都又瘦又長，成個索晒。
'13
留言列表
