tvbfun娛樂八掛大放送★

李彩華陪母食蠔 29,397 


【母女逛街】

【專心揀裙】

【中環】林峯同吳千語愛到難捨難離，佢嘅舊愛李彩華（Rain）都唔愁寂寞，喺內地有位富二代管接送，喺香港又有一位揸McLaren跑車嘅富貴男友。但喺呢個星期一，阿Rain做乖乖女陪媽咪去中環行街食飯，夜晚7點幾，佢同媽咪喺蘇豪一帶逛時裝店。當日天氣轉熱，阿Rain已急不及待着背心熱褲展示長腿，行咗幾間之後，佢就陪媽咪去咗附近嘅蠔吧嘆生蠔。　

採訪、攝影：朱志聰、陳辰

李彩華「濕平」玩馬尾

李彩華（Rain）近年於內地拍劇密密賺人仔，近日難得回港，大前日傍晚約七時，素顏的Rain戴上眼鏡到中環「濕平」，她手持名牌袋獨自往該處商場，急急腳先步入超市購物，惟全程手持電話講不停，還邊傾邊玩馬尾！

李彩華行街街，邊傾電話邊玩馬尾。

之後Rain轉戰名店揀鞋揀衫，但逗留半小時沒有斬穫，未幾她往揀男裝衫，一直傾電話的她發現記者在場即時O嘴，但仍未捨得收線，不過Rain卻友善的步出門口與記者打招呼，並說：「難得返嚟，諗住嚟行吓買吓嘢囉。」又表示翌日便要到上海拍劇。