媽咪姐
千嬅人前要靚 人後要舒服
好似訪問當日咁,千嬅一身白色長裙,又靚又 elegant,但由於穿上五吋高跟鞋,加上腳傷初癒,每一步都小心翼翼。佢同媽咪姐講:「之前做咗兩星期物理治療,其實已經好番晒,不過要小心啲,唔可以再受傷。」訪問完畢後,千嬅即換上水靴,方便又舒服。
至於囝囝 Torres,六月五日就係佢一歲生日。千嬅同媽咪姐講,屆時應該要拍戲,未知會否慶祝。對於追「女」傳聞,千嬅指係上天安排,而且佢啱啱開完刀,至少半年後先諗。咁又係,生仔唔同買棵菜,的確要慢慢 plan嘅。
千嬅當日嘅白色長裙,飄逸又高貴,襯上 5吋高踭鞋,唔差得過啲乜乜女神 BB㗎。
做完訪問,千嬅嗱嗱聲換上黑色水靴,以免再觸發啱啱初癒嘅腳傷,幾咁滋陰。
訪問喺社企餐廳進行,千嬅同主持王賢誌邊傾偈邊食嘢,仲大讚好味道㖭。
全站熱搜
留言列表