Christie Fung 

beauty feature

V瘦面

有得揀，邊個女人想塊面圓碌碌？ V煞尖面，係我哋女人窮一生精力想擁有的，但更貪心，我都未敢試醫學美容。計我話，最穩陣可靠都係人手美容療程，透過人手搽、捽、按摩，舒服又唔使擔心手術失敗走晒樣，配合 home care，個個都可以擁有明星般 V煞小顏。

緊致面形 Valmont
　

賣點：採用 Prime AWF王牌產品，配合獨創的蝴蝶式手法，根據面上的肌肉及紋理按摩，當然唔少得王牌 collagen mask，加強皮膚承托力，提升及緊致面部鬆弛的肌肉，暢通淋巴，改善浮腫之餘，重塑面形輪廓。

美容師先由腮骨位開始推按，向上提拉至眼側，目的是塑造緊致線條，改善因皮膚下垂而出現的鬆弛及皺紋。 

最後敷上 100%純骨膠原面膜，令皮膚即時充滿彈性。 

皮膚緊致咗，腮位線條明顯咗，輪廓變得分明。

試後評語：按摩時，美容師的十隻手指好似在面上彈琴咁，動作好輕柔，節奏啱啱好，仲有 collagen mask都好正，感覺好似包住成塊面咁，好貼，敷完皮膚好滑。

自家按
　

必備產品：（左起）
Firming Lifting Corrector Eye Factor II$1,990
Firming Lifting Corrector Factor II$2,950
Polyfactor Repair Serum Factor III+$2,700
建議三款產品同時使用，每件產品的塗抹手法均不同，眼霜用點印的方式，精華素則向上推抹，而乳霜應以向上打圈的方法塗抹。

價錢： Prime AWF Dermo-Structure Treatment$2,980/ 120分鐘
地址：銅鑼灣開平道 1號 Cubus 25樓
電話： 2972 7868

收緊線條 Sisley
　

賣點：療程前後都有一套配合香薰油的呼吸法，按摩過程分別用上三款王牌產品：活膚提肌精華、再生晚霜及按摩霜，配合重點收緊面部線條、提升嘴角及眼形輪廓按摩手法，完成療程後，仲有一套伸展運動，幫你鬆一鬆筋骨。

1.利用手腕位置，在面頰兩側左右交替，向上提拉，有效收緊輪廓。 

2.沿着顎骨位置輕輕搣揑，有助打通淋巴穴位，兼有 lifting功效。 

3.提升眼部按摩是另一重點，以防眼形下垂，顯出老態。 

4.美容師會因應皮膚狀態，敷上補濕、紓緩或控油面膜。 

試後評語：療程前，美容師先給我聞一聞薰衣草香油，令我身心即時放鬆晒，按摩時，美容師動作溫柔，時而搣揑，時而推拉，按足 1粒鐘，完成後，皮膚睇落好似水潤緊致咗。

自家按
　

必備產品： Sisleya Global Firming Serum$2,950
緊致精華素主攻面頰和下巴皮膚鬆弛，用法簡單，先向上塗抹，然後揑拳，用指骨，由下而上的方向在面部推按，能令皮膚回復緊致，具提升作用。

價錢： Supremya Treatment$2,500/ 105分鐘
地址：中環興瑋大廈 11樓 1101室
電話： 2157 9898

提升輪廓 Gatineau
　

賣點：利用獨家雙頭 3D立體緊肌按摩棒，配合針對鬆弛問題的產品，雙劍合璧，能活躍淋巴，排走毒素，同時刺激細胞更新，減淡皺紋，平滑皮膚之餘，仲可增加皮膚彈性，提升面部輪廓。

1.美容師先在面部作通淋巴的按壓，每個穴位的按壓位置非常準確，力度適中。 

2.刻有直條紋的按摩棒，主要是淨化皮膚，排走毒素及多餘水份，達致去水腫功效。 

3.螺旋紋的按摩棒則主要用作提升及緊致輪廓，以 roll-in的手法在面上按摩，約 2分鐘即可。 

4.具緊致作用的 cream mask功不可沒，全面敷 20分鐘，能加強瘦面效果。 

腮骨線條明顯提升咗，睇落冇咁鬆弛。 

試後評語：美容師用按摩棒在我面上碌時，感覺皮膚輕輕被吸吮，沒有太大感覺，加上只是短短數分鐘的過程，初頭以為冇乜效果，但完成後，效果出奇地理想，顴骨位明顯提升咗，好 work。

自家按
　

必備產品：（左起） Renew 7 Detox$1,300、 Laser$1,300、 Defi Lift 3D Tensor Care$875
呢三支產品湊合成為個半月的 home care療程，美容師建議第一星期用 Renew 7 Detox，深層淨化皮膚；第二星期則用 Laser，刺激細胞更新，加速緊致、提升效果；餘下日子可用 3D輪廓塑造精華， keep住 firming效果。

價錢： Renew 7 Treatment$1,080/ 80分鐘
地址：銅鑼灣 2000年廣場 25樓
電話： 2152 0411

去除包包面 Clarins
　

賣點：面膜及 massage都 double上，第一部份按摩，針對淋巴位，重點改善面頰、腮位及下巴浮腫的情況，第二部份按摩則主打提升面形輪廓，之後敷上 Facial Lift Wrap，再 on top敷美容院專用、針對 V-Shape位的 paper mask，最後用凍毛巾拉面，以冷縮熱脹的原理加強收緊效果。

1.以 V-Shape Facial Lift Serum在腮骨位置以搣揑的手法按摩，有助暢通淋巴，改善水腫問題。 

2.於腮位及頸位敷上 Facial Wrap，有即時提升及去水腫功效。 

3.然後 on top敷上 U形面膜，主要針對提升面頰、腮位及下巴輪廓位。 

4.最後用凍毛巾拉面，刺激血液循環之餘，仲有收緊功效。 

面形及下顎線條提升咗，輪廓明顯更緊致分明。 

試後評語：效果最明顯的一間，美容師主要用手掌邊位輕印我面頰，估唔到三兩下手勢，輪廓出番晒， paper mask富彈性拉力，敷用時感覺成塊面被拉緊，加埋最後的凍毛巾拉面，舒服又見效。

自家按
　

必備產品：（左起） Shaping Facial Lift$560、 Shaping Facial Lift Wrap$420
療程後即晚開始使用 Shaping Facial Lift，全面搽上後，以手肘枕在桌上，雙手托下巴，稍微用力將頭枕落去，維持 10秒；想 lifting效果更持久，建議每星期用一次 Shaping Facial Lift Wrap，敷 10分鐘，最後 5分鐘用掌心輕按額頭、雙眼、面頰及下巴數次，完成後，用清水洗淨。

價錢： The Lifting Face Shaper$1,150/ 75分鐘
地址：中環中建大廈 2樓
電話： 2994 6238

撰文： Emily Mak　
攝影： Parry Fung　
模特兒： Christie Fung@Starz People　
化妝及髮型： Janice Lam